古天奴重返英超　不過係去愛華頓！

joemalee · 發表於 2021-5-1 06:55:46

多間英國傳媒報道，巴西進攻中場菲臘比古天奴即將離開巴塞隆拿，重返英超，不過並非重投利物浦懷抱，而係加盟紅軍死敵愛華頓麾下，據報轉會費只須3500萬鎊(約3.78億港元)，比2018年由利物浦轉投巴塞嘅1.45億鎊，身價大減1.1億鎊。

古仔近期仍在養傷，今季提早收咧，佢同巴塞合約至2023年，不過轉會以來古仔喺巴塞表現都不如預期，反而上季外借到拜仁慕尼黑仲贏得包括歐聯冠軍嘅歐洲3冠王，巴塞一早想將佢出售，但搵唔到合適買家，在球會陷入財困之下，惟有賤賣古仔。

之前曾有傳古仔重投利物浦，不過有唔少反對聲音，好多紅軍球迷都視古仔當日改投巴塞係背叛。愛華頓近年由安察洛堤領軍下，成績同表現都不斷上升，占士洛迪古斯今季在肥安旗下表現出色，佢打算簽入古仔，同J神合作踢雙中場，來季衝擊歐洲賽資格。