利物浦第一簽　鎖定萊比錫中堅

joemalee · 發表於 2021-4-28 07:57:19

英國多間傳媒報道，利物浦將於短期內宣布，簽入RB萊比錫法國小國腳、司職中堅嘅伊巴希馬干拿迪，費用將不多於3000萬鎊，亦即該球員違約金金額。

報道指，利物浦同球員已經傾妥個人條件，而轉會費方面亦唔會太高，因為利物浦同萊比錫一直有聯繫，3000萬鎊違約金係最高金額，雙方在交涉下，轉會費仲有得商量。
利物浦第一簽對象係中堅，原因大家都知，就係要解決球隊今季中堅荒問題，球隊需要更多後防球員來應付頻密及高效率比賽，優質中堅相當重要。

伊巴希馬干拿迪係法國U21成員，質素毋須懷疑，不過佢近兩季在萊比錫亦係長期養傷人員，腿部肌肉及足踝都有傷患，以至近兩季上陣機會不多，今季僅上陣13次，不過佢勝在年輕，年僅21歲，經得起傷病考驗。