吳若希菊梓喬破冰合唱講明冇下次

GIRLAV · 發表於 2021-4-27 11:14:35

吳若希落閘拒與「死敵」菊梓喬再合唱，揚言不會有下次，承認與對方唔啱Key，好難擦出火花。至於自嘲「宅女」的菊梓喬亦講明私下不會約吳若希！

屢傳不和的「星夢」姐級歌手吳若希（Jinny）及菊梓喬（Hana），前晚在《勁歌金曲》來個「世紀破冰」合唱，為觀眾帶來驚喜，她們還演繹雙方的名曲，連主持糖妹亦笑言絕對是「今期限定」！演出期間，她們各有各唱，鮮有交流，難怪演出完畢後，Hana被取笑沒有正視Jinny，她解釋：「我係望佢個嘴！」2人更被要求互換身份，重演2019年Hana奪「最受歡迎女歌星」、坐於旁邊Jinny誇張大笑13秒的經典場面，Hana秒速攬實對方傻笑，避過尷尬場面。

冇增進友情

首度與Hana合唱的Jinny昨日受訪坦言：「係呀，世紀大合唱，只此一次冇下次。」問到合唱後可有增進友情？她自爆：「其實我收到通告嘅第一刻係拒絕嘅，覺得做乜要搵啲咁嘅嘢嚟搞？但後來覺得好吸引係有Live Band，因為Live Band嘅變化可以好大，所以就決定試吓啦。（有冇增進友情？）冇喎！」再問覺不覺公司刻意將她們擺上枱？她表示不願置評。

Jinny又表示與Hana合唱難有火花，因為大家的聲音很難夾：「佢係中音，我係中高音，大家個Key都唔同，夾咗好多個版本，好彩係Live Band，唔係就好大鑊。」

拒絕約食飯

提到她們演唱時欠交流，Jinny第一次大方回望Hana，但後者冇反應，到第二次才有眼神接觸，但主持Eric Kwok踢爆Hana望提字機，Jinny說：「佢唔係特登唔望我，真係望緊提字機，佢都解釋咗啦，佢望緊我個嘴吖嘛，哈哈！」而Hana亦承認與Jinny唔啱Key：「我係偏低，佢就正常Key。之前錄音，我哋試咗7個版本，結果用咗呢個。（用行動粉碎不和？）都冇不和，不過我係宅女，所以私下都冇約佢食飯，但係見面一定會打招呼。」