格拉沙家族終於肯賣曼聯　開價嚇死人

joemalee · 發表於 2021-4-25 22:31:57

近年不時傳出格拉沙家族有意出售曼聯，英國傳媒最新消息指，由於歐超聯搞唔成事，格拉沙家族認為曼聯升值空間已經唔大，所以計劃出售球會套現，開價40億鎊(約430億港元)。

據悉，格拉沙家族認為曼聯歷史悠久，名氣又大，商業價值高，所以起碼值40億鎊，甚至指出如果歐超聯成功舉行，紅魔鬼肯定唔止呢個價，問題係歐超聯已經玩完，格拉沙家族覺得都係時候獲利離場。

格拉沙家族2005年融資7.9億鎊收購曼聯，令到球會負債累累，但佢哋卻喺紅魔鬼身上賺到盤滿缽滿，所以多年來一直備受曼聯球迷批評。如果格拉沙家族肯出售曼聯，相信紅魔Fans一定歡迎，但講到尾，如果真係賣盤成功，格拉沙家族始終係最大贏家。