些路迪搵新領隊　塔利班領袖有意見！

joemalee · 發表於 2021-4-17 22:16:40

些路迪今季蘇超成績大倒退，領隊連儂喺2月份已經辭職，物色新領隊嘅行動已經進入最後階段，雖然些路迪喺國際球壇嘅影響力唔算大，但估唔到就連遠在中東嘅塔利班，都非常關注些路迪搵新帥嘅發展！

曾經拎過艾美獎嘅蘇格蘭著名導演杜蘭，最近去到阿富汗拍攝紀錄片，當中佢會訪問一啲塔利班領袖，杜蘭近日接受《Belfast Media》訪問，就透露有趣一幕：「佢哋(塔利班軍事領袖)望落同普通人一樣，都想知我支持邊隊波，佢哋應該發現我入面著咗件些路迪波衫，之後就不斷講波經，講到奧辛尼艾度亞迪，又講史葛布朗係個好強嘅領袖，不過佢哋最關注嘅都係新領隊問題，佢哋知道艾迪侯域係熱門人選，但就覺得些路迪應該搵更有名氣嘅領隊，呢一點我都唔反對！」