哈化集體中招 隔離14日3場聯賽勢延期

joemalee

今季雷聲大、雨點小嘅德甲首都球隊哈化柏林，近日傳來壞消息，由於球隊近日頻頻有職球員確診新冠肺炎，官方宣布全隊需要進行隔離14日，並已申請未來3場聯賽延期，包括嚟緊周日對緬恩斯，認真黑仔。

哈化主帥戴達、助教哈姆薩域及前鋒盧克巴基奧先後確診新冠肺炎，原本諗住搵體育總監費特列治帶隊頂住先，點知連左閘柏頓赫特都中招，為免將病毒傳開，哈化宣布全隊隔離14日，並為緊接3場對緬恩斯、弗賴堡同史浩克04嘅聯賽申請延期。

哈化今季可謂多事之秋，季初大事增兵踢到要護級，依家排緊第15位，同第16位嘅比勒費爾德同分，仲未夠分上岸，搞到季中要搵番舊帥戴達救亡，近日再爆發「哈化群組」，據報延期3場一定要5月22日煞科前完成，意味住季尾賽程密到爆，隨時有降班危機。

BB29

要隔離十四日

LasCases

咁大鑊。