曼聯主場成績差　原因竟然係咁

joemalee · 發表於 2021-4-15 23:50:45

曼聯今季聯賽主客場成績反差好大，作客保持不敗，但15次主場錄得3和4負失20球，丟失唔少分數，領隊
蘇斯克查探查原因，卒之畀佢發現一樣嘢，就係看台上嘅紅色背景干擾球員傳球視線，係球隊失分主要原
因。

英超受疫情影響閉門作賽，奧脫福球場看台空無一人，就蓋上紅色布幕，以顯示呢度係紅魔鬼主場，不過
呢啲紅卻與球員波衫撞晒色，甚至有球員反映，電光火石之間做決定之下，無法搵到隊友位置，呢個亦係
曼聯主場成績差嘅原因。（以此引申，利物浦主場成績差，可能都係同樣原因）

為改變現時情況，蘇斯克查已下令將紅色布幕改成黑色，佢話：「現時看台上顏色已有所改變，唔再只有
紅色，當然，呢個唔應該係球隊失利嘅原因，但我哋都會嘗試改變。」