做戲似精神分裂李佳芯唔想再講陳炳銓

GIRLAV · 發表於 2021-3-29 15:41:32

藝人李佳芯（Ali）有份參與藝術紀錄片《Bad Acting》演出，將自己演藝課堂的片段，透過大銀幕呈現於觀眾面前，分享演員路上的掙扎與內心世界。

今次Ali憑空想像演繹「債仔」一角，完全沒有拍檔配合自己，她受訪時不禁笑指演到「好似患精神病」：「其實演嘅時候會引發你嘅臨場反應，好多嘢都係即興。（冇拍檔演繹比較困難？）冇對手情況下會加重難度，咁我平時都會對住塊鏡自言自語。（覺得自己精神分裂？)係對住塊鏡勉勵吓自己，同埋畀自己一啲承諾。（好似面對最近嘅感情問題咁？）又唔關感情生活事，仲要睇好多方面嘅。」

再追問她與陳炳銓的感情狀況，Ali坦言：「唔再講喇，一直想低調處理。（你曾經話搵緊一種令大家舒服嘅方式相處？）暫時都需要時間去處理。」