陳楨怡攞唔到着數嬲爆呻蝕咗

GIRLAV · 發表於 2021-3-16 10:55:09

藝人陳楨怡、陳曉華、陳婉衡等昨日在將軍澳電視城為明珠台播出的電影《生化危機》系列宣傳，陳楨怡近期網晒午餐幫襯人均過千元的米芝蓮餐廳而被指富貴，但隨後被發現平食魚蛋粉及搭小巴被讚雖然有家底，但生活「貼地」，她說：「米芝蓮餐廳就唔係成日食，最嬲原本可以買1送1，但係唔記得帶優惠卡，蝕咗，平時就鍾意食魚蛋粉。」又笑稱因開工趕時間及要慳錢亦不時捱麵包。

陳曉華避談陳卓賢

另外，近期上堂學戲的陳曉華希望未來能演型格和動作角色，講到早前與陳卓賢（Ian）因買車傳緋聞，更被對方粉絲鬧爆，她不願多談：「件事已經過咗去，唔好再提啦，架車都搞掂晒，件事都過咗咁耐，唔記得啦！」又扯開話題自爆肥了3、4kg，要狂做運動減肥。而以背心示人騷身材的陳婉衡則指聖誕及新年後增磅，現在要「還債」，並笑說：「希望見番啲『朱古力』（腹肌），已經減咗2kg脂肪，離目標仲差1kg。」