陳嘉倩冧鍾培生包紅館報天氣！

GIRLAV · 發表於 2021-2-27 10:52:57

宅男女神陳嘉倩魅力非凡，近日她亮相「百億富三代」鍾培生的個人頻道擔任嘉賓，火速電暈對方！男方激讚她靚到似天使，更豪言要包起紅館聽她報天氣，嘉倩昨日冧爆表示：「佢好Nice。」

陳嘉倩樣靚身材正，做過無綫新聞主播的她口才了得又唱得，曾在個人平台大開金口，一直是網民心中的女神及「嘉倩BB」。早前她獲鍾培生欽點亮相自家頻道，男方自言是其粉絲，並對她的美貌讚不絕口：「佢係最接近天使嘅人類，亦可以話佢係最接近人類嘅天使！」更揚言願意包紅館睇她報天氣！對此，嘉倩昨日冧爆回覆：「多謝佢啦！佢好Nice呀!（佢係咪你嘅理想型？）朋友嚟咋，呢啲唔講啦！」

專吼靚女：全部都鍾意
鍾培生由去年7月起開設自家頻道拍攝旅遊節目，每集都邀請靚女上鏡，首集有簡淑兒，之後有蔣家旻及陳婉衡等。提到似乎特別鍾情陳嘉倩，他昨日回覆：「個個都好、個個都靚，我個個都讚，全部都鍾意！靚女好多種，醜得一種，每個靚女有唔同特質，要尊重。」並指亮相節目的女星大部分本身就認識，不過只限工作上交流，自言公私分明，每次都投入拍攝：「讚得投入咗啲！」

無端被追教拳費
他計劃待疫情放緩就會走出香港，飛往外地相約國際級靚女繼續拍攝節目：「我都有邀請素人，希望畀多啲人認識佢哋，我自己一條仔拍都唔好睇啦！」同時澄清與蔣家旻和陳婉衡的緋聞並不屬實，他笑說：「真就唔介意畀人寫，假就會澄清。」

另外，麥明詩舊愛林作因「100萬抽水事件」觸怒鍾培生撩上擂台隻揪，「口水戰」多日，林作終於現身拳館向資深搏擊教練向柏榮拜師備戰，不過昨日竟有人向鍾培生追教拳費！據知林作當日未有交練拳費，他昨日回覆：「係我下線介紹去學拳，去到先知練拳費咁貴，因為係賽事級1對1，要千幾蚊1堂。現場有個人好慷慨幫我找咗數，話願意贊助我。（鍾培生有冇講過幫你交？）咁又冇講過。」至於為何有人向對手追數，他不得而知。而鍾培生在社交平台直言沒義務找數：「我言出必行，從未出現唔找數，同時只會早咗找或找多咗。」