|
|
發表於 2021-3-16 15:20:46
|
顯示全部樓層
入完金球再被逐累熱刺輸波
拉美拿累事，熱刺打吡戰衰收尾！周一凌晨英超「北倫敦打吡」，阿仙奴主場對熱刺。熱刺今仗憑後備翼鋒拉美拿射入高難度金球開紀錄，可惜「兵工廠」連入兩球反先，熱刺之後全隊越踢越茅，拉美拿更開（月爭）打人兩黃被逐，最終輸1比2，呢位阿根廷翼鋒亦由英雄變狗熊。
熱刺今場作客同市死敵阿仙奴，當然出齊近況大勇嘅三叉戟哈利卡尼、孫興民同加里夫巴利，不過戰況卻係有地利嘅阿仙奴佔優，19分鐘更有孫興民大腿受傷退下火線，由拉美拿入替。呢位阿根廷翼鋒亦不負所託，33分鐘更以一記「鉸剪腳」妙射破網，熱刺全場首次攻門就領先。
阿仙奴反勝奧迪加特英超開齋
阿仙奴落後下繼續狂攻，薛迪索拉斯曾勁射中柱，不過主隊努力終於喺44分鐘有回報，馬田奧迪加特接應基蘭泰亞尼傳中追平，成功喺英超開齋。換邊後阿仙奴仍然控制戰局，64分鐘拿卡錫迪博到12碼，親自操刀射入反超前，熱刺落後下愈踢愈茅，拉美拿76分鐘「批（月爭）」打人拎今場第二面黃牌。打少個嘅熱刺尾段圍攻阿仙奴，但都係入唔到波，最終仍輸1比2。
卡尼出茅招「奸有奸輸」
其實今場熱刺可謂茅招盡出，除咗拉美拿，射手哈利卡尼亦對兵工廠中堅加比爾馬加希斯出「超技術」。事發時熱刺正落後1比2，加比爾馬加希斯喺後場邊路推進，當佢傳個波上前，哈利卡尼喺完全冇可能攞到波情況下，出腳兼出手撞向馬加希斯，有網民認為呢吓犯規動作仲離譜過拉美拿，球證竟視若無睹，質疑有偏幫呢名英格蘭國腳之嫌。
好彩哈利卡尼最後階段「奸有奸輸」，先有接應罰球頂入被判越位食詐胡，之後勁射罰球又中柱，未能幫熱刺追成平手，如果其中一球入咗，呢吓犯規冇判紅牌，肯定會引起更大爭論。 |
|
樓主: joemalee
在線雷達
發表於 2021-3-16 12:37:45
、對 鞋幾靚
