|
|
發表於 2021-3-14 07:54:09
|
顯示全部樓層
紅魔衰收尾，歐霸征途75%玩完！周五凌晨歐霸盃16強首回合重頭戲，曼聯主場鬥意甲2哥AC米蘭。紅魔憑超新星阿密特迪亞路攻入精彩處子球，不過「紅魔鬼」捱唔到尾，補時2分鐘慘被AC米蘭逼和1比1，次回合去米蘭作客形勢不妙，尤其數據顯示曼聯如果首回合主場贏唔到波，出局機會高達75%，令人擔心。
曼聯今場有拉舒福特受傷缺陣，AC米蘭亦有「戰神」伊巴謙莫域養傷未能倒戈，不過客隊今場仍能同曼聯踢成均勢，半場互無紀錄。休息期間曼聯前鋒安東尼馬迪爾傷出，由18歲超新星阿密特迪亞路入替，結果呢位科特迪瓦前鋒50分鐘走到靚位，接應般奴費南迪斯直線用後腦巧妙頂入，亦係佢1月加盟曼聯後首個正規軍入球。AC米蘭落後之下進一步控制形勢，終於去到補時2分鐘，由老將中堅卡積亞接應角球頂入，兩隊踢成1比1平手。
由贏變和，領隊蘇斯克查直言失望，更慘情嘅係，據Opta數據顯示，曼聯過去8次喺歐洲賽贏唔到主場嘅首回合賽事，有6次都係作客出局，換言之今場和波後，佢哋有75%嘅機率16強止步，難怪蘇B咁愁啦！
倫敦雙雄齊開W
另邊廂，英超倫敦雙雄就醒得多。近期狀態大勇嘅熱刺，憑住王牌前鋒哈利卡尼上、下半場各入1粒，主場以2比0輕取薩格勒布戴拿模。至於阿仙奴方面，作客希臘喺最後10分鐘發力連入2球，作客以3比1擊敗奧林比亞高斯，今屆歐霸盃9場賽事第8次贏波，拎住2球優勢次回合返主場作戰，晉級8強機會高唱入雲 |
|
樓主: joemalee
在線雷達
發表於 2021-3-13 22:35:34
