《愛·回家》大小姐熊家三姊妹化身空姐邊位女星空姐造型最吸睛？

GIRLAV · 發表於 2021-2-5 12:23:24

無綫處境劇《愛·回家之開心速遞》深得觀眾喜愛，除咗一班演員演得出色之外，情節亦夠晒抵死啜核。早兩晚嗰集劇情講到「大小姐」龍力蓮（林淑敏飾）及熊尚善（滕麗名飾）都被空姐喺網上爆出喺機上嘅惡頂行為，而佢哋亦登上「機上最惡頂名人榜」。佢哋接受完家人特訓後，再搭飛機希望可以洗脫污名。喺呢程機上，佢哋遇上發酒癲嘅言少（林子超飾），言少於機上不斷搗亂，更打暈機組人員。為咗令言少聽話，大小姐同熊尚善不惜穿上空姐制服去服侍佢。今集除咗佢哋兩個化身空姐之外，唔少演員都變身成空姐、空少及機師，當中包括熊若水（呂慧儀飾）、熊心如（蘇韻姿飾）及無知May（趙希洛飾）。一班女演員嘅空姐造型成功吸引網民注意，仲話勾起咗對《衝上雲霄》嘅回憶。其實除咗佢哋之外，以往都有唔少女藝人扮演過空姐，唔知大家又覺得以下邊位女星著空姐制服係最吸睛呢？