傳上年被黃宗澤正印女友趕離愛巢陳嘉桓重新出發靠自己

GIRLAV · 發表於 2020-10-12 23:17:12

現年27歲嘅陳嘉桓（Rose），18歲以模特兒身份出道，憑住甜美笑容、9頭身加上42寸長腿吸引唔少觀眾。有傳2017年佢同感情生活豐富嘅黃宗澤（Bosco），因拍攝網劇《守護神之保險調查》而撻著。雖然兩人一直否認，但過去幾年Rose多次被傳媒影到出入Bosco住所，二人關係亦算係公開嘅秘密。但上年年尾突然傳出內地演員張沙沙先係正印嘅消息，張沙沙更嚟香港探班宣示主權，突然做咗第三者嘅Rose被趕離愛巢，搬到酒店暫住。

但有傳媒報道指Rose同Bosco仲未完全斬攬，間唔中仲會出嚟食飯。近排Rose都開始重新出發，除咗成立公司兼做皮紋分析師及考健身教練牌之外, 佢又以超性感真空造型接拍瘦身廣告，其D Cup上圍即表露無遺。

前排被傳媒影到佢同一位男士行街街，期間仲繞住對方隻手一齊行，似足情侶拍拖咁，不過其實呢位男士係佢細佬陳肇桓，希望Rose嘅真命天子快點出現啦！