【宅男女神封盤！】簡淑兒與分開一年男友復合

GIRLAV · 發表於 2020-9-11 16:57:30

又一宅男女神封盤啦！早前簡淑兒（Jessica）被影到與前男友去超級市場買餸煮飯，期間有講有笑兼有拖手仔。報道出街後，Jessica大方承認戀情，仲話已經復合咗個幾兩個月。

曾遇上渣男嘅簡淑兒，喺接受傳媒訪問時講過唔再相信拍拖及承諾，因為好多時都係隨口講下，所以佢唔會特別強求，相信緣份嘅安排。至於翻撻圈外男友，簡淑兒就話之前分手冇牽涉第三者，而男朋友亦都唔係會出軌嘅人，之前分手嘅原因係性格不合，但係分開一年後大家都變好咗，所以造就復合嘅機會。

現年31歲嘅簡淑兒，8歲時就跟隨屋企人移民到美國生活，大學畢業後，2012年就參與香港小姐競選，可惜16強止步。加入娛樂圈後，先後做過無綫娛樂新聞主播及女子組合「少女標本」成員，漸漸為人熟悉。佢喺旅遊節目《3日2夜》及處境劇《愛·回家之八時入席》有表現突出，唔少網民都覺得佢嬌滴滴、樣貌清純又得意，再加埋一雙招牌腰果眼，迷倒一眾宅男而人氣急升。之後，佢參與咗唔少劇集拍攝，深得無綫重用，例如《迷》、《愛·回家之開心速遞》、《平安谷之詭谷傳說》、《大帥哥》及《好日子》等等，上年年中更簽約無綫成為「親生女」。