咬人的蘇亞雷斯被巴塞要求離開

ssamhohoho

巴塞隆拿新主帥朗奴高文已經致電蘇亞雷斯，叫佢以後唔使返球會，要求佢即時解約轉會，不過在巴塞季前病毒檢測，阿蘇如常現身，實行當朗奴高文嘅說話係耳邊風。

蘇亞雷斯同美斯兩兄弟，一個被球會放棄，一個要求離隊，情況完全唔同，哨牙蘇嘅情況係巴塞放棄佢，由於佢仲有一年約，所以巴塞要作出賠償，西班牙傳媒報道，阿蘇年薪係1500萬歐元，巴塞解約嘅話，至少要賠1400萬歐元。


阿蘇係爭取賠償一方，當然唔可以有把柄落喺巴塞手上，球隊活動同操練都要跟足，因此球會做病毒檢測，阿蘇就準時到場，仲要做好隨時落場比賽準備，令巴塞冇藉口炒佢。

ssamhohoho

巴塞喺歐聯慘敗畀拜仁慕尼黑出局後，球隊面臨重大改革，近日主帥史坦恩同球隊技術總監艾比度已經先後離隊，意味重建工作已經隨即開展，陣中唔少球員亦成為被清洗目標，蘇亞雷斯就係其中一位。

近日盛傳呢位現年33歲嘅烏拉圭前鋒有機會轉投阿積士，重返呢支佢曾效力過嘅荷甲勁旅，西班牙《RAC1》電台消息指，阿積士體育主管奧華馬斯，對引入蘇亞雷斯非常感興趣，希望佢嘅豐富經驗，可以增強球隊實力，不過蘇亞雷斯就唔係好想喺今夏轉會窗離開巴塞。

今季為巴塞上陣36次，射入21球並交出11次助攻嘅蘇亞雷斯，同呢支西甲豪門嘅合約去到2021年先至到期，佢本人就似乎傾向等到完約先走，在此之前冇加盟阿積士或其他球隊嘅打算。

同樣唔想走人嘅仲有中場布斯基斯同沙治羅拔圖，兩人嘅合約分別2023年及2022年夏天屆滿，佢哋嘅經理人已表明，兩人一定會留隊至約滿。

另外，巴塞會長巴度美奧表示有8位球員一定唔會賣：「美斯一定唔賣，我已經同新教練朗奴高文傾過，球隊藍圖支柱仍然係美斯，仲有好多球員唔會離開，包括達史特根、基沙文、基文迪朗格勒、法蘭基迪莊、尼爾遜施美度、奧士文尼迪比利，以及未來骨幹球員，例如安素法迪。」

巴塞個個球員都唔走，睇嚟想成功重建都唔容易。

ssamhohoho

蘇亞雷斯 OUT OuT ouT


去退休 ,  去扮吸血鬼

Winston91

ssamhohoho 發表於 2020-8-31 15:07
蘇亞雷斯 OUT OuT ouT

去阿積士帶住班後生仔踢波都係唔錯選擇

笑語不羈

一於唔走, 等遣散費

Gaffy

估唔到佢下場係咁 俾人掃走
話晒都多年功勳