南韓-吹氣公仔啦啦隊

ssamhohoho

韓職打咗兩個禮拜，要閉門作賽，球迷無得入場賽會都覺得唔好意思，當然球員要喺一個「吉場」踢波都好唔習慣，FC首爾諗住搞搞氣氛，就搵嚟一班「吹氣Mary」幫手打氣，點知搞出個大頭佛，賽後立即要道歉。


離遠望落球場，見到呢班「吹氣公仔」個個唔同造型，仲要表情、樣貌同埋身材都唔一樣，佢哋仲要着埋唔同波衫，仲有啲攞住打氣牌，睇落幾熱鬧。不過，感覺就有啲意識不良，原來供應商有啲搞錯，而有啲吹氣公仔仲要舉起嘅「打氣牌」，係幫成人商店做宣傳，真係相當尷尬。

雖然球會做到防疫意識，每個「Mary」都隔開起碼1.5米嘅安全距離，兼戴上口罩；但有網民見到呢批「觀眾」有啲反感，首爾隨後亦為此道歉。

其實，搵吹氣公仔當觀眾，韓職唔係第一個，之前台灣嘅中職棒樂天桃猿隊都試過，而啱啱重開嘅德甲，佢哋就整咗好多紙牌公仔撐場。

ssamhohoho

FC首爾上場使用性愛吹氣公仔當假觀眾，很快就公開認錯。

韓職早前成為於新型冠狀病毒疫情下，首個重啟的聯賽，成為世界球壇的焦點，更吸引了多個國家的電視台簽訂轉播合約。至今，K-League已經進行了頭兩周賽事。

由於所有賽事都是閉門舉行，球場的觀眾席空空如也。FC首爾在周日主場以1:0小勝FC光州一役，就把多個球員的人形紙公仔放在觀眾席，以增強「氣氛」。

除此之外，FC首爾更將多個戴著口罩的吹氣公仔安放於觀眾席，有男有女兼保持社交距離。

「他們」都穿上球衣或印有性玩具公司SoloS標誌的T恤，而且呈不同打氣狀，有的坐下來舉起V字勝利手勢，有的站起來高舉打氣紙牌。

明眼人都知這些是性愛用的吹氣公仔，因此FC首爾公開道歉：「我們從一開始就被保證這些公仔跟性玩具無關。我們希望再次向愛護及支持FC首爾的人致歉，將會努力避免類似事件再發生。」

Lanala

有啲詭異

hung0427

都幾嚇人

Winston91

回復 ssamhohoho ##1 的帖子

搞搞宣傳, 宜家大家都知有隊FC首爾

ssamhohoho

FC首爾上場聯賽主場1比0小勝FC光州，打開今季勝利之門，不過賽後話題就集中晒喺「Mary事件」上面。

據《韓聯社》報道，南韓足總已經正式就事件進行紀律調查，FC首爾涉嫌違反宣傳條例，有可能會面對扣5分或者500萬韓圜(約32,000港元)罰款，甚至有機會被回收首爾世界盃球場嘅使用權！

為閉門作賽「搞氣氛」，FC首爾上場擺咗一堆著上球會波衫嘅「吹氣Mary」撐場，不過佢哋手上紙牌除咗打氣語句外，亦有對成人用品商嘅宣傳，結果引嚟極大回響。

FC首爾賽後已經即時道歉，解釋球會事前唔知道供應商會用「吹氣Mary」，仲話會對該供應商保留法律追究權利。

韓職開鑼係全球球壇焦點，FC首爾今次舉動被視為令韓職蒙羞，南韓足總亦特別重視，南韓著名記者Hanshin Lee更爆料，話FC首爾有可能因為呢次事件，被褫奪首爾世界盃球場使用權，FC首爾自2004年開始一直用呢個球場作為主場

Gaffy

嚇人多過實際作用

ssamhohoho

FC首爾上場喺看台安放性愛吹氣公仔Mary扮觀眾引起軒然大波，早前有指首爾或被罰扣5分及罰款500萬韓圜(約32,000港元)，據南韓MBC電視台報道，職業足球聯賽會周四（21日）召開緊急紀律小組會議，決定處以史上最高嘅1億韓圜（約63萬港元）罰款。

職足聯公關部主管李鍾權指出，儘管合作雙方之間唔存在故意嘅行為，但係K聯賽聲譽已嚴重受損，尤其係對女性及家庭球迷造成侮辱同傷害，決定予以譴責及重罰。

1億韓圜罰款，係韓職史上最高嘅紀律處分。

據了解，職足聯仲對負責聯繫有關公司嘅足聯工作人員，同樣頒布為期3個月嘅紀律處分。

FC首爾表示會虛心接受紀律處分，更委託警方調查安裝性愛吹氣公仔嘅公司，有冇涉及欺詐行為，並且譴責喺呢宗業務存在疏忽嘅職員。