世衞建議球賽停止18個月

ssamhohoho

世衞建議歐洲足球停止18個月，不但今季腰斬，連下季都取消埋，不過歐洲足協冇睬佢哋，繼續建議各國諗辦法完成今個球季。

據意大利《共和報》報道，世衞喺周二(21日)會議上提出建議，認為所有足球比賽應該暫停18個月，因為當第1波疫情受控後，大型足球賽事會導致第2波爆發，因此最好就唔好舉辦任何賽事。

賽事只係停咗個幾月，歐洲足壇已經奄奄一息，中小型球會已經捱唔住，如果採納世衞建議停18個月，後果不堪設想，歐洲足協當然唔會睬佢，會後宣布希望各國盡力完成今季賽事，不過態度稍為軟化，同時推出爛尾指引，容許各國在有條件下腰斬賽季。

歐洲足協後來又否認世衞曾提出暫停賽事18個月嘅建議，估計係要畀番啲面世衞，避免大家尷尬。