孫興敏趁疫症時間 回國接受軍訓

ssamhohoho

英國新冠肺炎不斷惡化，英超起碼要暫停至6月1日，熱刺前鋒孫興民一早已經飛返南韓「避難」，但唔代表甩難，因為仲有一個大挑戰等緊佢，就係入海軍，接受3星期軍事訓練。

孫興民2018年協助南韓奪得亞運會足球金牌，獲得免除兵役2年，但根據南韓規定，孫興民仍然需要接受基礎軍事訓練，並要喺體育界做義工。

南韓傳媒指，孫興民將於4月20日加入濟州海軍陸戰隊第9旅，接受3星期軍事訓練。

其實孫興民上年已經知道要去軍隊受訓，佢原本安排夏天休季期間入營，估唔到爆發新冠肺炎，英超停擺之下，趁呢段時間入營，起碼唔會浪費時間。

ssamhohoho

效力熱刺的韓國球星孫興敏，將會在本月向韓國海軍陸戰隊報到，接受為期3星期的訓練。

按照韓國法例，任何韓國男子都需要服役兩年，孫興敏（Son Heung-min）於兩年前在印尼上演的亞運男足賽事，於決賽助韓國加時以2:1打敗宿敵日本，助球隊摘下金牌，因而得到免役，但仍需要接受3星期的基本訓練，以及提供500小時社會服務。

早於今年2月16日，這位27歲熱刺星將對阿士東維拉時手部受傷，因而提早結束賽季，而據韓國聯合通訊社周四報道，他將於本月20日向在濟州的海軍陸戰隊基地報到。


於日前在社交網絡展示一些拉筋照片及跳繩短片，似為接受軍事訓練作好準備。

受到新冠病毒影響，英超將至少休季到4月30日，而賽會與持份者在周五開會後，甚至會延至更長時間才復賽。

Monfortino

係軍中踢吓衛生波。

kickassoff

ssamhohoho 發表於 2020-4-3 16:26
英國新冠肺炎不斷惡化，英超起碼要暫停至6月1日，熱刺前鋒孫興民一早已經飛返南韓「避難」，但唔代表甩 ...

孫生, 咁咪可以順勢完成軍訓, 又唔會佔用佢係英超上場時間

好喎

雕傑鵰嘔夫

500小時社會服務

好似懲罰咁

Winston91

回復 ssamhohoho ##1 的帖子

手嘅傷咁快好番?咁都多,可以用停賽呢段時間完成兵役要求。

ssamhohoho

熱刺證孫興敏將服兵役



熱刺周一證實，孫興敏將會於韓國服兵役，5月前都不會返回英國。

孫興敏（Son Heung-min）早前因為手臂骨折，飛到韓國做手術，再返回英國休養。新型冠狀病毒之後爆發，他於上月底再次回到韓國，現時正在自我隔離，但仍然跟熱刺軍醫保持聯絡。

熱刺於聲明中表示：「孫興敏在今個月將於韓國展開服兵役，5月完成後才會回歸倫敦。」根據英國《每日郵報》指，27歲的他將會參與軍事訓練4個星期。

按照韓國法例，任何韓國男子都需要服役2年，孫興敏於2年前在印尼上演的亞運男足賽事，於決賽助韓國加時以2:1打敗宿敵日本，助球隊摘下金牌，因而得到免役，但仍需要接受3星期的基本訓練，以及提供500小時社會服務。

mutubest

good timing for him that no need to use 4-week time out from matchday

ssamhohoho

老孫服兵役要剃光頭


由於英超受疫情影響停擺，既然冇得比賽，熱刺亦確定前鋒孫興民已返回老家南韓，接受為期3周嘅基礎軍事訓練，聯賽停擺都冇得抖。

雖然「老孫」喺2018年奧運為南幹取得銅牌而獲免服兵役，但原來南韓兵役法規定，佢亦要強制性接受短期基礎軍事訓練，由於佢係跟隨海軍陸戰隊，所以只需「服役」3周。

英國傳媒披露部分細節，所有新兵入伍前都剪髮，頭髮長度只可留幾厘米，而海軍陸戰隊甚至要求更短或剃光頭添，並會將剪咗嘅頭髮收藏好，主因係服役者若不幸因戰事犧牲致屍骨無全，軍方就會將收藏好嘅頭髮寄畀烈士家屬。


除此之外，「老孫」所屬嘅海軍陸戰隊，會喺濟州島海軍基地進行訓練，島上亦有全國最高嘅火山，氣候會較熱，當然唔少得近距離搏擊、武器訓練等項目，仲有防生化訓練，士兵要戴防毒面具進入充滿gas嘅密封室內，之後要按指示除面具，諗辦法點樣逃離險地，依家新冠肺炎咁危險，應該唔玩呢樣啩。

ssamhohoho

孫興敏月前因為手臂骨折返韓接受手術，又因為免返回英國自我隔離，索性留在韓國，並將於本月20日加入濟州島海軍陸戰隊第9旅，接受為期3周的軍事訓練。

孫興敏將到濟州島的海軍基地報到，入營前需要剪短頭髮，近乎剃光，把將頭髮保存在密封的袋子中，一旦值班時身亡而無法取回屍體，頭髮將交給士兵家屬。


這位熱刺前鋒在2018年印尼的亞運會男子足球賽以超齡球員身份，帶領球隊摘下金牌，因而毋須服兵役21個月，但需要完成基礎軍事訓練以及志願服務。

他早前在社交網絡展示個人體能訓練的片段，顯然為接受軍訓作好準備。

Gaffy

仲以為佢亞運金牌就完全唔洗服兵役添

criskilm

回復 ssamhohoho ##1 的帖子

stay safee

ssamhohoho

孫興敏軍訓在即 ：咪探我！



即將接受軍訓的熱刺球星孫興敏，透過社交網絡呼籲傳媒與球迷勿往營地探望他。

「基於新型冠狀病毒，不鼓勵大量人群聚集，我們需要配合政府的政策，不會把事情向大眾公開。」孫興敏（Son Heung-Min）發表聲明：「這決定是確保球迷及記者的安全，防止危險狀況發生。」「希望你們的體諒，孫興敏期望完成軍事責任，在訓練場上做到最好。」

消息指，自從這位韓國首席球星證實4星期接受軍事訓練後，收到不少傳媒與球迷查問有關探訪的細節。

這位27歲鋒將在2018年印尼舉行的亞運會男子足球賽，以超齡球員身份帶領球隊摘下金牌，因而毋須服兵役21個月，但需要完成基礎軍事訓練以及志願服務。

據報他到濟州島的海軍基地報到後，需要接受大量激烈訓練，包括埋身搏擊、武器訓練和在鐵絲網爬行等，還需要進6至7公里的全武鬥裝前行，背負24公斤的裝備。訓練營最難的一部份，是在滿是催淚煙的密封建築物中戴上口罩尋找目標。

ssamhohoho

熱刺南韓球星孫興民回國接受軍訓，成為傳媒焦點，有韓媒將佢喺軍訓期間嘅最新相片曝光，剪咗平頭裝嘅老孫睇嚟精神奕奕。

由於疫情關係，英超停擺，孫興民藉住呢段時間返南韓濟州服兵役，佢喺周一（20日）已經到濟洲島嘅海軍陸戰隊第9旅第91營訓練中心，接受為期三個禮拜嘅基礎軍事訓練，老孫之前已經呼籲球迷唔好去睇佢軍訓，避免人群聚集；而周末韓媒刊出老孫嘅軍訓期間相片。

從相片中可以睇到老孫已經按照軍人嘅標準，頭髮剷咗小平頭，呢張相睇嚟應該係合照，不過公布就只係CUT咗孫興民嘅一邉出街，老孫着住紅色運動衫，紅色係南韓海軍陸戰隊嘅顏色，而胸口印有老孫喺軍訓期間嘅見習人員編號139。

據韓媒報道，孫興民今次軍訓期間嘅訓練項目包括負重24公斤行軍6至7公里、投擲手榴彈及實彈訓練等等，而軍訓結束之後，孫興民將獲得二等兵軍銜，並喺今後嘅34個月之內完成544小時嘅義務工作。

watsons

時間管理一流

chankafai8

好利害

ssamhohoho

熱刺前鋒孫興民回南韓接受軍訓接近尾聲，仲有2日就完成訓練，近日當地傳媒發布佢嘅軍訓照片，全身包到實只露出雙眼，全靠頭盔編號136先至認到係佢。

孫興民喺南韓海軍陸戰隊服役，已經進入第3星期，見佢並未因為自己係英超球星或國家隊主力而有任何優待，只係一名普通士兵，行動期間都要列隊出發，跟住前面編號135隊員一起行動。

報道指，周三(6日)一課訓練內容係射擊演習，孫興民日間進行20次射擊，晚上再進行10次射擊，軍訓至周五(8日)結束，其後佢就會趕返英國，接受14日隔離後返大隊操練。

ssamhohoho

熱刺球星孫興敏的軍訓期快將結束，其受訓模樣於互聯網上廣傳。

身在濟洲島接受為期3星期軍事集訓的孫興敏（Son Heung-min），被拍到蒙上面罩、戴上136號防彈頭盔與陀長槍的照片。

消息指，他的受訓期已到最後階段，而所學的包括射擊、埋身搏擊等軍事訓練，以及「紀律教育」。

由於英超正因新型冠狀病毒疫情而停戰，孫興敏完成手部手術後決定利用這段時間完成3星期的基本軍事訓練。

該28歲前鋒在2018年印尼的亞運會男子足球賽，以超齡球員身份帶領韓國摘下金牌，因此毋須服兵役21個月，但需要完成3星期的基礎軍事訓練，以及提供500小時社會服務。

熱刺大軍正進行訓練，據報當孫興敏完成事軍訓練後會立即返回球會報到。

ssamhohoho

剛完成3個星期軍訓嘅熱刺南韓國腳孫興民，終於重返網絡，周日更新IG上載2張新相，戴黑色帽同埋口罩，舉起勝利手勢同廣大球迷打招呼。

孫興民唔只踢波勁，喺軍隊嘅表現亦出眾，獲得最佳前5名成績，當中以射擊成績最好，不愧係射手，上周五嘅畢業禮雖然閉門進行，但軍營仍有不少球迷守候。

英超獲政府開綠燈，孫興民完成軍訓後亦即將返回英倫，接受14日隔離後才可歸隊練波，按照進度應可趕及暫定於6月12日重開嘅英超賽事。

ssamhohoho

孫興敏早前完成軍訓，周日首度更新Instagram，高舉勝利手勢。

孫興敏（Son Heung min）一口氣上載了兩張相片，看到他戴上黑色cap帽及口罩，高舉V字勝利手勢，似乎很滿意自己在濟洲島為期3星期的軍事訓練的表現。

事實上，於軍訓時號碼為139號的老孫在157人訓練團中，以最佳頭5名成績完成訓練而獲獎，在射擊方面更取得完美的成績。

軍訓畢業禮於上周五早上已舉行，雖然謝絕外界參觀，但仍有數十名球迷在基地外守候。

孫興敏即將從韓國飛返英國，到達後會先自我隔離14天。由於英超很大機會在6月重啟，相信這位韓國首席球星在隔離完畢後，便可以重投操練；

以他於軍訓的高超表現，身體狀態肯定一流。