(歐聯16強-首回合)車路士0:3拜仁慕尼黑

ssamhohoho · 發表於 2020-2-26 10:21:26

本帖最後由 ssamhohoho 於 2020-2-26 10:23 編輯

上半場

車路士在尚算頂得住，0比0完半場

之後車路士在51及54分鐘連失2球，2個失球

第1球基拿比與羅拔利雲度夫斯基做one-two，最後由基拿比撞射入1:0

第2球又基拿比與羅拔利雲度夫斯基合作，基拿比撞射入2:0

76分鐘拜仁艾方素戴維斯左路落底傳中，羅拔仔遠柱射入3;0

81分鐘馬高斯阿朗素擊打羅拔仔，被球證翻睇VAR後判紅牌驅逐出場

拜仁慕尼黑以0:3完場

車路士慘敗，而且同拜仁慕尼黑嘅級數差距顯而易見，同歐洲一線鬥仲未夠班。

事實上，車路士今季喺英超都踢得非常吃力，仲可以排第4要多謝其他球隊更唔爭氣，要佢哋踢歐聯仲要鬥當時得令嘅拜仁，慘敗都係反映現實。

拜仁慕尼黑到訪倫敦再度大勝，贏車路士3比0，阿仙奴出身嘅德國快翼基拿比演出如魚得水，個人梅開二度，計埋分組賽作客熱刺個人獨取4球，今屆歐聯賽場佢喺倫敦已經入咗6球，可算係倫敦殺手。

德國名將馬圖斯喺賽前已經話：「拜仁係全方位勁過車路士，車仔只係排英超第4，落後利物浦32分，級數有幾多好明顯，佢哋冇一啲擁有扭轉戰局能力嘅球員。成個英超只係得利物浦同曼城有機會有作為，其他球隊都係歐聯陪跑。」

ssamhohoho · 發表於 2020-2-26 10:22:10

車路士主場以0:3慘敗於拜仁慕尼黑腳下，林柏特賽後表示對手各方面都凌駕於己方，優勝劣敗。

林柏特賽後語帶失望說：「表現差勁，有時你得殘忍地老實點，對手在每一方面都遠勝於我方，這是頗為嚴肅的。對手的水平解釋為何能夠年復年問鼎德甲及歐洲。我為己隊未能面對他們做得更多感到失望，必須努力重納正軌，回到我們想達到的水平。我關注的是大圖畫，要多少時間在英超振作，要多少時間提升水平？」