阿仙奴3:2愛華頓

ssamhohoho

阿仙奴3:2愛華頓

開賽僅1分鐘即由卡維特利雲門前掛射破網先開紀，阿仙奴於27分鐘扳平，布卡約沙卡左路傳中，尼基迪亞門前接應射入扳平1比1。

奧巴美揚在33分鐘接應大衛雷斯靚直線，單刀埋門射入為阿仙奴反超前2比1，完半場補時45+4，愛華頓角球攻勢，李察利臣混戰中門將射成2比2。

下半場重開僅23秒，尼高拉斯比比右路傳中，奧巴美揚門前搶點頂入，阿仙奴3比2再度領先，並保持勝局直至完場。


阿仙奴自從由阿迪達接手後，表現無疑係脫胎換骨，無論攻守都更有系統、更有組織，「兵工廠」嘅改革正好反映喺隊長奧巴美揚身上，呢位金靴射手嘅恐怖蛻變，引領阿仙奴走向正確道路。

貴為上季英超神射手嘅奧巴美揚，今季因為遷就拿卡錫迪而被逼客串翼鋒，不過喺阿迪達上任後，奧巴美揚就由「客串」變成「轉正」，最近就算拿卡錫迪被收起，阿迪達都寧用新人尼基迪亞做箭頭而並非將奧巴美揚放回中路。

正確啲嚟講，Auba依家出任一個「偽左翼」位置，球隊進攻嗰陣經常插入中路發揮佢嘅射術，左閘沙卡先係戰術意義上嘅左翼，今場對愛華頓梅開二度，令佢以17球同占美華迪並列射手榜第1位，證明佢喺前線嘅威力並冇因為位置轉換而大幅下降。

奧巴美揚位置轉會成功嘅關鍵，係當阿仙奴進行冇波防守嗰陣，佢要做番左翼嘅協防任務，對於大部份世界頂尖攻擊球員嚟講，不斷嘅防守工作都係厭惡性，但Auba係毫不錫身咁頻繁返去左後防位置幫手，今場錄得3次攔截紀錄，同梅斯達菲並列全隊最高。阿迪達賽後提到：「我上任嗰陣對奧巴美揚有2個懷疑，第1係佢有冇呢個體能去兼顧防守、第2係佢願唔願意去做(防守)，而且仲係每隔3日都要做(防守)，而佢就證明自己唔單止有能力，亦好樂意去做。」堅持進攻之餘亦願意為防守作出犧牲，奧巴美揚嘅蛻變同阿仙奴一脈相連。

Monfortino

終於贏番波。

Winston91

回復 ssamhohoho ##1 的帖子

有番士氣, 成績當然有好轉。

ssamhohoho

愛華頓領隊安察洛堤顯然不滿意球隊周日不敵阿仙奴的防守演出。

「前線表現良好，我們在落後下窮追的表現好，有一些入球機會。防守方面，我們太恐怖，需要改善。」愛華頓在周日英超領先下以2:3不敵阿仙奴，這已是球隊連續5場比賽失波，對於向來以領軍防守了得飲譽球壇的肥安而言，這顯然是不能接受。

他續說：「3個失球本都可以避免，太容易讓阿仙奴攻入3球。我們在末段有很多機會扳平，而沒有把握得到。今天是一個倒退，需要重新集中，需要再平衡。」

卡法路雲早段倒掛妙射得手，肥安卻對該鋒將要求甚高：「他幹得好但不足夠，如果他想成為頂級射手，需要多加努力，需要在何任時候都集中。」

ssamhohoho

阿仙奴周日主場以3:2力克來訪的愛華頓，領隊阿迪達賽後聲言經過了最好的一周。

阿仙奴周日憑奧巴美揚梅開二度，以3:2打敗愛華頓，打從上輪聯賽贏紐卡素，以至上周中歐霸盃贏奧林比亞高斯後取得3連勝。領隊阿迪達賽後說：「最好的事情是從歐洲賽後回來，7天踢3場比賽，以及在落後情況下反撲。」
他續說：「比賽打從開始已甚艱難，1分鐘就失守。在比賽60至65分鐘，我們實在控制大局。體能上要求很高。7天贏了3場比賽，顯然這是我（加盟以來）最好的一個星期。」

奧巴美揚（Pierre-Emerick Aubameyang）梅開二度，成為球隊贏波大功臣，阿迪達讚賞的不止是Auba的進攻表現。「奧巴美揚再一次表現出色──入球、位置……以及防守上的演出。」

watsons

安帥終於輸波

馬甸尼

槍手奏捷, 全取三分