曼聯3:0屈福特

ssamhohoho · 發表於 2020-2-24 10:29:53

曼聯3:0屈福特

17分鐘曼聯雲比沙卡近門一射，可惜未能命中目標。

曼聯中場馬迪跟手又於中場甩轆，畀屈福特杜哥利長驅直進、左腳勁射近柱，迪基亞飛身擋出底線。

完半場前3分鐘，曼聯丹尼爾占士直線靚質，曼聯費南迪斯引球殺入禁區，畀賓場科士打拉跌，球證直指12碼點，曼聯費南迪斯操自操刀，一個小跳步令賓科士打跌倒後再起腳射入1:0

完半場前曼聯馬迪爾把握對手犯錯交畀曼聯費南迪斯，呢名葡萄牙國腳右腳一篤唔中龍。
換邊後

6分鐘，屈福特杜哥利壓落底線地波傳中，好彩有曼聯勞基梳爾門前解圍。

跟手右路角球開出，迪尼混戰中射入，但因奇治戴臣首先手臂掂到個波，VAR Check完推翻入球，屈福特慘食詐胡。

58分鐘曼聯馬迪爾靚時間入楔左腳窄位抽射被擋出，之後佢攞番個波再用右腳射入，主隊領先到2:0。

之後輪到曼聯格連活特中場附近扭過對手大步推進後分波，曼聯費南迪斯畀番個波佢，格連活特左腳大腳抽入到3:0。

其後新前鋒恩哈路後備入替，一次扭過賓科士打再窄位起左腳射空門，可惜被敵衞救空門，最終曼聯贏3:0完場

ssamhohoho · 發表於 2020-2-24 10:31:04

本帖最後由 ssamhohoho 於 2020-2-24 10:31 編輯

曼聯於冬窗期間簽入2個球員，但球迷反應一天一地

基斯費南迪斯今仗1入球1助攻，表現大獲好評，讚到上天

自中超嘅恩哈路不但加盟初期要隔離檢疫14日，今仗大勝屈福特3比0，佢只係臨尾出嚟踢咗一陣，球迷都鬧佢叫佢返大陸，真係唔公平！

但恩哈路完場前10分鐘、曼聯遙遙領先3比0之後才後備上陣，本來佢都有表現機會，可惜佢唔爭氣呢！84分鐘，對方回傳失誤，恩哈路獲得單刀機會，佢扭過對方門將窄位起腳，但被對方後衞及時趕到護空門，錯失入波機會。

單刀唔入，其實對戰局影響不大，不過曼聯球迷非常苛刻，在曼聯官方社交網留言：「將病毒帶回中國吧！」「本來係4比0，結果畀恩哈路搞彎晒。」

ssamhohoho · 發表於 2020-2-24 10:33:02

曼聯今場英超大勝屈福特3比0 領隊蘇斯克查賽後表示：「今場係好精彩嘅勝仗，我哋喺英超2連勝，2場都冇失波，仲有好多值得慶祝嘅入球。波基斯費南迪斯比預計嘅更快，佢嘅加盟令我興奮，有佢在陣令所有人有好大提升。」

蘇帥又提到小將格連活特：「足球最重要係入波，格連活特能夠做到呢一點，我認為佢已經成長為一名合格嘅球員，仲會繼續進步。」

ssamhohoho · 發表於 2020-2-24 10:34:01

本帖最後由 ssamhohoho 於 2020-2-24 10:34 編輯

曼聯新加盟葡萄牙中場波基斯費南迪斯今輪英超表現出色，交出1入球1助攻協助紅魔大勝屈福特3比0，佢喺賽後豪言要幫曼聯取得來屆歐聯資格

領隊蘇斯克查則以華朗加史高斯來形容呢位新援

領隊蘇斯克查最初安排佢著18號球衣，就係寄望佢能夠擔演昔日紅魔中場史高斯角色，但今仗發現佢有另一種特質，蘇斯克查表示：「佢擁有史高斯嘅質素，但同時有一點華朗嘅氣質，令全體球員提升。」

英國《衛報》報道，波基斯費南迪斯賽後接受訪問時表示：「這是我想做，亦是我需要做的。所有人都知道曼聯希望參加歐聯，我來到這裏爭取贏波，去完成目標，今個賽日是所有球員想要的，我能夠入波、能夠贏波感到幸運，我更希望能夠幫助安東尼馬迪爾取得更多入球。」

英國《太陽報》報道，波基斯費南迪斯崛起，保羅普巴在隊中再無位置，曼聯將按照計劃，今夏把該法國中場出售。