唔係啩？巴塞想搵傳奇中場救亡！

詐詐帝isme · 發表於 2020-2-10 15:14:54

西甲班霸巴塞隆拿今季表現飄忽，成績未達預期，上個月仲將主帥華爾維迪辭退，然後搵嚟史坦恩接手。不過唔講唔知，原來佢哋喺上個月，仲曾經密謀想向日職神戶勝利船提出借用超級中場恩尼斯達回魯營，希望借佢去到季尾，統領番進攻，兼且穩定更衣室軍心，只可惜勝利船最終以「小白」對球隊太重要，拒絕咗巴塞請求。

現年35歲嘅恩尼斯達，係巴塞隆拿隊史最成功中場之一，喺佢效力巴塞嘅16個球季，共為球隊上陣674次，贏得9次西甲同4次歐聯，佢同隊友沙維組成嘅中場線，配合前線美斯等，絕對係球壇史上最具威力中前場組合。2018年佢離開巴塞，轉戰日職加盟神戶勝利船，今年就先後幫勝利船贏得天王盃同超級盃，絕對係寶刀未老，今次巴塞想打佢主意其實都好合理，只可惜喺神戶拒絕之下，大家想再見到「小白」踢西甲同歐聯嘅希望只有幻滅。