曼聯換帥條件曝光　一種情況可炒蘇B

詐詐帝isme · 發表於 2020-2-9 14:49:07

曼聯今季創下近30年最差上半季成績，領隊蘇斯克查下台壓力愈來愈大，英國《鏡報》爆料，指如果曼聯今季打唔入前6位，蘇B就會被炒，並聘請前熱刺主帥普捷天奴領軍。

據悉，曼聯同各大贊助商嘅合約之中，有部分條款涉及贊助費同成績掛勾，如果球隊未能達到一定成績，贊助費就會減少，所以管理層非常緊張，並為蘇斯克查設下前6位底線，攞唔到呢個成績就即炒。

曼聯現時排第8位，比第6位錫菲聯少1分，但仲要面對狼隊、愛華頓競爭，要打入前6位都唔容易。

曼聯仍然視普捷天奴為新帥首選，呢位阿根廷名帥現時仲未有着落，可能就係等緊紅魔鬼召喚。