【專訪】陳蕾脫獨宣言：如果一早簽唱片公司可能已經玩完

henry1328 · 發表於 2019-11-27 03:45:15

【專訪】陳蕾脫獨宣言：如果一早簽唱片公司可能已經玩完

陳蕾10年前由廣州隻身來港追夢，參加過《亞洲星光大道》又簽約過日本唱片公司，但她卻是3年前才以歌手身份出道……

henry1328 · 發表於 2019-11-27 03:45:16

兜兜轉轉，今年7月放棄獨立歌手的身份，加盟華納唱片。「其實佢哋2013年已經搵過我，都有諗過如果當時已經合作會係點，可能係好早就玩完。」

陳蕾過去其實遇上不少好籌，但永遠都暗暗地無晒下文。「從來都唔會諗係運氣差，反而會覺得係自己未夠好，每次都會反省……」（陳順禎攝）

陳蕾說新歌《熒光》的歌詞「當天空中不再有星星，於漆黑中再找不到共嗚，有誰人聆聽」正是她去年的內心感受。令人好奇的是，她一直經歷不同挫折，為何去年才有如此深切的感受？

henry1328 · 發表於 2019-11-27 03:45:17

「去年嘅成績好似都唔錯，好多嘢都係往好嘅方面發展，但最後合作伙伴選擇分道揚鑣，由於一直都好依賴佢哋，所以發生人事變動後好徬徨，會覺得是否自己未夠好。」陳蕾口中所指好信任、好依賴的的團隊，正正是與Mr.成員MJ、Tom成立的「自由意志」，儘管大家對音樂有熱誠，奈何無收入成了致命一擊。「嗰時不停轉牛角尖，對後來諗返一段感情無咗未必係自己有問題，更多可能係緣份。而當時嘅團隊……未必係最合適。」經歷過轉牛角尖再反省的階段，陳蕾認為是因過去太自我中心，對朋友頗為「無事不登三寶殿」，如今她除了音樂之外，更願意抽時間與朋友見面。

2017年與Mr.成員MJ和Tom成立獨立製作公司，結果不到兩年時間就玩完，陳蕾亦差點「收皮」。(IG圖片)

henry1328 · 發表於 2019-11-27 03:45:18

入行10年，曾經以為有歌唱就會滿足，直到與日本唱片公司合作後，陳蕾才漸漸知道自己想要什麼。「曾經係連自己想點都唔知，有段時間為咗令人邊個係陳蕾，所以唱好多cover song，拎住支木結他，可能係因為咁令人覺得我係好文青，但其實我都可以好rock。」回想cover-song時光，陳蕾說為了吸引觀眾目光，所以背景花、妝容有「中毒」感覺，而家自己睇返都覺得唔好意思。如果以當時嘅狀態加入華納，這個文青的假象很快就會被她結束。「13年嘅我唔夠了解自己，同日本公司最終喺互相唔信任下嘅情況結束，亦都可以係因為未夠自信。所以如果當時入咗華納，可能好早就收咗皮。而家係最好時機，因為簽過日本公司，又做過獨立歌手，慢慢搵到自己想要咩。我唔敢講係未浪費咗好多時間，只係覺得當時好多嘢未準備好。」

陳蕾去年叱咤頒獎典禮上奪得「叱咤樂壇唱作人銅獎」。（資料圖片）

henry1328 · 發表於 2019-11-27 03:45:19

提及家庭，陳蕾說她小時候曾囂張到坐跑車返幼稚園，爸爸手持十多個物業，但去到小學時，由於生意失敗，所以一家人只能租屋住，她笑言自己腳頭唔好。「或者係因為爸爸經歷過，所以佢同我做好多心靈建築，佢好怕我紅，成日都提我要低調，要切記平凡都可以好幸福。」10年前隻身來港參加《亞洲星光大道》時，陳蕾說當時親戚好友都不時「塞錢」給她傍身，到後來簽約日本公司時，都認為她終於捱出頭。

陳蕾當年嘅「中毒」妝，佢話唔係好願再見到。

henry1328 · 發表於 2019-11-27 03:45:20

「同日本公司解約後，返咗廣州等工作證，有次約朋友出嚟飲酒，其中一個朋友提到呢個世界好多人都懷才不遇，勸我好好考慮是否要繼續喺香港發展。我知佢唔係想打擊我，而係擔心我，但聽完佢講之後，我喊咗成晚。但喊完之後，我反而係更加堅定，好似諗通咗咁，馬上繼續寫歌。」人生最窮時，陳蕾說連凍飲加兩元都唔敢，曾經有諗過唱酒吧幫補，但又怕會唱到「滑啞」，最後唯有hand-made飾物幫補。「點解咁想喺香港做歌手?情義結吧，同埋母語係廣東話，其實以前好怕寫廣東歌，因為好難，但近年慢慢嘗試，因為好想將自己覺得好正嘅音樂，用廣東話表達俾大家聽。」

來港10年，但由於多次換公司，所以陳蕾至今仍未取得香港身份證。「每次都要申請簽證係幾煩，不過都慣。」（陳順禎攝）

henry1328 · 發表於 2019-11-27 03:45:21

陳蕾：我覺得？係一個天使

[youtubeHD=1000,500]4H91zOfp7GA[/youtubeHD]
充滿正能量嘅「熒光」Panther陳蕾🌟就擅長用創作力量感染朋友同樂迷🎵想知Panther身邊嘅好朋友👭鄧小巧、洪嘉豪、周國賢同Dear Jane喺Panther心目中又係咩光？即刻去片，睇吓Panther會用咩光形容佢地啦❤️

henry1328 · 發表於 2019-11-27 03:45:22

專訪陳蕾：而家係我最有正能量嘅時期

[youtubeHD=1000,500]nyihuKkDgP8[/youtubeHD]
大家有冇諗過十年後自己喺點樣？🤔啱啱推出咗勵志新歌〈熒光〉嘅Panther陳蕾，就話無論自己係咪仲做緊歌手，都會堅持做自己鐘意嘅嘢🎵想知新歌嘅創作靈感喺邊度嚟？🌟一齊睇片，了解才女Panther嘅創作世界同埋未來音樂大計啦🌍

henry1328 · 發表於 2019-11-27 03:45:23

[youtubeHD=1000,550]GKDKeTQbRWo[/youtubeHD]
【回味90年代】流行經典50年 | 陳蕾 - 郵差

[youtubeHD=1000,500]rNsvlgUI8ns[/youtubeHD]
【BrandYourself】熒光｜陳蕾

henry1328 · 發表於 2019-11-27 03:45:24

就算只剩低內心一點熒光
都要將佢捉緊無限放大

[youtubeHD=1000,550]aHI3OOUESdc[/youtubeHD]
《熒光》

作詞：陳蕾
作曲：陳蕾

當天空不再有星星
於漆黑中再找不到了共鳴
有誰人聆聽

當呼吸聲太過清晰
隨旋律察覺脈搏心跳未停
眼淚為憑證

意志化作泡影
這世界太冷清
失去重心的身影那麼輕
斷了線結他還有誰來奏鳴
去細聽內裡心聲

鋼鐵再硬朗也會腐銹麼
無援像一粒沙跌盪於宇宙洪荒洪荒
也要再盛放哪怕沒有光
頑強地掏出心裡剩低最後熒光熒光
確信有天遠路總可康莊

當呼吸聲太過清晰
隨旋律察覺脈搏心跳未停
眼淚為憑證

意志化作泡影
這世界太冷清
失去重心的身影那麼輕
斷了線結他還有誰來奏鳴
去細聽內裡心聲

鋼鐵再硬朗也會腐銹麼
無援像一粒沙跌盪於宇宙洪荒洪荒
也要再盛放哪怕沒有光
頑強地掏出心裡剩低最後熒光熒光
殘骸留在過去請殮葬
重新出發要更加茁壯

你要更硬朗墓地未去闖
哪怕像一粒沙跌盪於宇宙洪荒洪荒
Yeah
也要再盛放不理路多冤枉
無窮地放大心裡那束絢麗熒光熒光
你是熒光

熒光熒光熒光熒光
你是熒光熒光熒光
熒光熒光熒光你是熒光
熒光熒光你是熒光