四種超有害食物每日食4份死亡率高62%

05ho · 發表於 2019-8-23 18:07:00

飲食同人體健康有密不可分嘅關係，大家都知食物對健康好重要，正當現代人個個都話要追求食得健康，其實有好多「超有害」食物大家每日都會接觸到，而佢哋嘅禍害比大家想像中要大得多！

根據《英國醫學期刊》，西班牙一項研究，追縱2萬位成年人，長達15年。發現食咗過份加工嘅食物嘅人，死亡率高出好多。至於咩為止「過份加工」？原來就包括普通嘅工廠製造麵包、零食如薯片、公仔麵、落咗鹽或防腐嘅肉製品；呢幾類都係屬於「過份加工」，研究指出，每日食1次呢類食物，死亡率已經比唔食嘅人高18%；如果一日食4份，死亡率高達62%！呢幾類食物由於加入好多化學物、添加劑等，會導致身體出現多種問題，例如癌症、高血壓、肥胖等。其實對於繁忙非常嘅香港人，一日點都會食到1至2份，例如早餐是旦買個麵包、正餐趕時間食個公仔麵，都未計好多人食快餐例如老麥呢啲；加埋夜晚睇電視食下薯片，咁計下計下，好似一日食3至4份都唔出奇！