亞洲美斯操練顯功架

dexterchung · 發表於 2019-7-16 05:25:38

日本「真人版戴志偉」久保建英，18歲已分別加盟過巴塞隆拿同皇家馬德里，天份有幾高唔使再多介紹，但若同皇馬真正已成名巨星相比，久保建英又去到咩Level呢？睇呢條片可能會有啲頭緒。

「日本美斯」今夏正式轉投皇馬，近日同一隊大軍一齊飛到加拿大進行季前操練，期間久保建英見到夏薩特好似見到偶像一樣，不斷主動同呢位比利時隊長傾談。未落球場可能仲係小球迷，不過正式操練就唔同講法，久保建英表現活躍，雖然面對一眾天價巨星，都不時有靈光演出，其中2次門前對住基羅拿華斯，先搵左腳搓波過拉莫斯再用右腳送個波入網，另一次就先扭過馬些路，跟手再窄角度左腳射入，基羅拿華斯2次都係得個睇字，眼白白睇住個波入網。另外一個片段，睇到久保建英同一班師兄一齊離開球場，之後用右腳後腳踩後、跟手左腳後腳射咗個波入細龍門，技術堅細膩。

西班牙傳媒表示，皇馬一隊成員睇到久保建英嘅技術，都給予高度肯定，相信呢位日本國腳好快可以升上一隊。

https://tv.on.cc/hk/index.html?i ... 1M&d=1563172863