最新﹗香港五大難做職業

05ho · 發表於 2019-7-15 20:06:25

最近香港笠笠亂，唔知大家同唔同意，以下已成為五大難做職業，有心搵錢又或者想個人開心啲嘅人，入行前自己三思。
保安：

唔好以為保安冷氣好好做，其實保安日夜顛倒超級傷肝，成日轉位又要報更，某啲保安仲要面對示威大場面，隨時有警員入來清場。
記者：

長期緊張，日日standby，最弊係人工唔高，憑理想做事，荷包一場空，可以做到幾多年。照睇未來十年，低薪情況唔會改變。
教師：

今時今日真係唔知點教學生，自己事業點發展，明明畢業出來教中史，又話要cut必修，到你轉教通識啦，又話要cut通識，無得教真係會無飯開。
警察：

雖然人工好又有補水，但受傷風險增加，面對起底壓力，日日OT都唔係辦法，心情一定差。作為一份工，社會壓力太大啦，同屋企人又隨時爭吵，唔合符「扮工」原則。
股評人：

香港人個個灰心，炒股唔炒市，唔玩港股玩美股，自己睇新聞炒得更妙；再加上香港有錢佬資金開始撤離，大客魚池細咗，股評人愈來愈難做啦。

最近都有教育界朋友，問小編有無傳媒職位介紹予他的舊生，小編都立即叫停，建議入行前宜三思呀，真係隨時去OK便利店，打份工都無咁嬲。