逃犯條例漫畫

05ho · 發表於 2019-6-11 19:55:21

有啲人以為聽聽話話做個愛國愛黨順民，唔好觸動中共嘅神經，總可以平平安安度過一生
但係邊個保證你永遠唔會踩中地雷？
兩、三年前邊個估到寫BL小說都要判十年監，投資巨額拍古裝劇會被禁播？
幾個月前中國仲提出埋「低級紅，高級黑」，即係你講愛國言論講得太低質都會踩地雷（但低唔低質唔到你話事㗎，有人想做你一鑊都可以隨時屈你係假膠假愛國）
到你終有一日自身利益受損甚或受到逼害，想爭取公義時，你相信中國式「法治」可以還你公道嗎？
到將來大家嘅環境已經周圍都係地雷，下一代嘅人望住你苟且偷生嘅模樣，你過意得去嗎？

即使你唔敢出嚟企喺最前，仍然有好多文宣、後勤同其他事可以做，唔好畀咁多藉口自己，將來後悔都無謂。

p.s.最近先諗到要用呢篇咁嘅漫畫去表達我嘅想法，雖然情節可能睇落有點誇張，但睇得多中國各種不公義嘅案件就會覺得發生咁嘅事唔係冇可能。今晚野餐見。