閒逛深圳小店(二)

三不作 · 發表於 2019-5-19 15:07:39

昨天往華強北閒逛，但係中午天氣好熱，就沿振中路行到去四号路，見到間 “北方餃子館”，反正肚餓又熱，而且俾佢門外一幅海報吸引住，就走入去試試。
可能午飯關係，只有兩、三檯食客(不過檯檯都仲飲住啤酒吹緊水)，我坐低後就叫嘢食，先叫咗一份“醬骨架”，一根大嘅“酱棒骨”，另外再加一個“小炒牛肉”套餐飯。
“小炒牛肉”套餐飯：落單後即炒牛肉，牛肉幾先嫩，而且加咗辣椒更加惹味，個“龍骨湯”正正常常有味過滾水，不過個碗嘅傳熱能力可以拍得住單層不鏽鋼碗，所以要小心。
“酱棒骨”：炆得唔算太腍，但骨骹位嘅肉同“啫喱膏”都可以食到，而且仲附有飲管可以吸吮筒骨內嘅肥膏。
“醬骨架”：應該都係同“酱棒骨”同煮，所以味道差唔多，不過肉唔算太多，而且係用脊骨垂直切割，所以骨邊比較鋒利，一試無妨。
食完後成場只有我一個客，店家仍然開住部冷氣(有部分食店唔開冷氣只開大門)，今餐埋單￥53，下次可以再試下佢嘅碢物或其他菜式。
稍後仲有晚餐篇