|
|
不少食肆當人流多時都會先派籌，讓食客憑籌號入座，以免混亂。但有網民分享，曾遇過一班食客竟擅自入座，被侍應揭發時又矢口否認，揚言「我哋係唔走架喇」，又表示要「投訴到你哋全部無得撈」，要求見經理。結果經理出馬時，即大聲叫全部樓面員工，「無人可以幫呢枱客落單， 斟茶都唔可以。唔識守規矩嘅人無資格喺度食飯。」無賴食客隨即無言，再坐一會後就離開。不少網民都大讚經理「好波」，「佢公司管理唔錯，幫襯得過」。
有網民早前在facebook專頁「西客之道 Hispitality Secret」投稿，稱曾到一間酒樓打邊爐，由於經常「爆滿」，食客都要先取籌等叫號碼。但樓主打邊爐時，就見到鄰座「有班客人自行入座坐低」，然後若無其事地向侍應索取配料點餐紙。詎料侍應指客人入座時，會收到有一套點餐紙，並反問「你入座號碼飛係邊？」食客則辯稱，「我張飛一早比你哋收咗喇，你哋收咗又唔畀單我仲要多嘢問？」
侍應堅持不會收走籌號，但為免誤會亦向派籌同事了解。其後侍應返回表示，「先生門口無人帶過你入嚟喎，你張飛咩number？睇下有冇聽錯咗」。食客此時仍堅稱：「畀咩畀？入咗黎坐低就係架喇！你問咁多做乜？叫你經理嚟」。而經理向有關員工查問，確定該枱食客自行入坐後，也「再次好客氣咁請佢哋離坐」。惟食客拒絕離開，「我哋係唔走架喇，我要投訴你，投訴到你總公司，投訴到你哋全部無得撈」。
結果，經理隨即大聲謂，「全部樓面嘅人同我聽住，無我吩咐，無人可以幫呢枱客落單， 斟茶都唔可以。唔識守規矩嘅人無資格喺度食飯」。投稿人說，該枱食客聞言「呆咗一呆，然後呆坐喺度幾個字就走」。至於經理同樓面員工，投稿人早前再光顧時仍見到他們在工作。
帖文引來大批網民留言，大讚經理有霸氣、好型，「如果係現場我會即刻尖叫拍手掌😂太正了吧個經理」、「個經理好型，可以當眾咁講，令唔守規矩嘅人知難而退」、「型到要幫襯」。另有網民認為，「飲食業多幾個呢啲經理！再加上管理層肯企硬唔腳軟！根本唔會有咁多西客」。
有無賴客到酒樓打邊爐時，沒有取籌號自行入座，被揭發仍拒離開。資料圖片
|
|
在線雷達
發表於 2019-5-14 17:48:49
廣播
置頂
推舊帖
收嗲鳥
油顏色
