[東] 波蘭球賽-世上最失敗的11人主攻「圓形陣式」

ssamhohoho · 發表於 2019-2-26 12:15:49

[東] 波蘭球賽-世上最失敗的11人主攻「圓形陣式」

[東網標題] 【有片】足球史上最爆戰術　咁樣踢波贏硬？

[東網地址] 【有片】足球史上最爆戰術　咁樣踢波贏硬？

11個球員圍圈做「保護網」帶波推進？呢個欖球式踢法可能好多波友都曾經幻想過，不過早前喺波蘭一場賽事竟然真實上演！呢場係波蘭勁旅克拉科維亞(KS Cracovia)喺歇冬安排嘅表演賽，期間佢哋嘗試呢個「圓形陣」，由11個人圍圈護住圈中嘅波推進，打算一直由中圈行到入對方龍門入面，堪稱係足球史上最「爆」嘅戰術！呢個戰術聽落的確係有機會做到，不過要完美實行就唔係咁容易，克拉科維亞球員只係推進咗幾步，對手球員就成功喺空隙入面偷波打反擊，並且順利射入空門！

去年上演嘅國產電影《西虹市首富》，就曾經出現呢種欖球式戰術，入面仲改咗個名叫「菊花陣」添！其實之前都有球隊用過呢類戰術，2013年嘅拉脫維亞U17聯賽就曾經出現過呢一幕。不過，實際執行上都有好多問題，包括合法性好有疑問，球證可能判佢哋「非法阻擋對手觸球」或者「違反體育精神」，而且對手亦有可多方法可以阻止呢個「圓形陣」前進。總括而言呢個最爆戰術只係「得啖笑」。

地址有Video - 笑到流眼淚