原帖由 夜月 於 2008-9-6 16:19 發表 
同居多年的bf 突然話要多點私人空間想分開一下比大家舒服多點空間.
點知原來係藉口, 佢外面有了第三者但被我發現了.
但佢死口唔認仲話我迫佢走... 原來佢班 friends 都知道..而且仲夾埋呃我..
佢班 friends 仲張我 d ...
前一排，我都有一pair既男女朋友,
佢地既情況同你差唔多,
男既本來都好愛佢既女朋友,佢都覺得女朋友好愛佢,
直至一次,佢同女朋友嗌交,班朋友就叫個男仔出去一齊溝女,
話出面有咁多女仔,使乜要就晒個女仔,就係咁,個男仔就跟咗出去溝女!
原來,當中係有原因,原來係個女仔,雖然係好愛個男仔,
樣樣都為個男仔著想,幫佢慳錢,幫佢打理家頭細務,
幫佢煮飯,幫佢諗好多嘢!
但係,原來個女仔同男朋友出去見朋友時,
好精打細算,成日唔覺意,搵咗佢班fd笨,樣樣有關錢既嘢,
都斤斤計較,樣樣都係佢同男友要著數!
有時同朋友argue兩句,就搵個男友出黎彈班朋友,
所以得罪咗好多朋友,班朋友都係睇在個男仔份上,唔嘈佢!
但當班朋友,聽到佢地鬧到分手,
就好雀躍為個男仔,編好每人去wet既行程表,
由於個男仔都好耐無去玩,所以一玩之下,就覺得世界咁大,
都開始認真考慮到要分手!
不過,最後,都有朋友勸過個男仔,
唔好為班朋友一時意氣用時,幫你諗好點樣去溝女,你就迷失方向,
將來你同邊個女人一齊,係要你個人承擔,你自己考慮清楚認該點做啦!
最後,個男仔都係返咗個女仔身邊!因為佢怕日後搵唔番一個對佢咁好既女仔!
有時,我都會同個女仔講,叫佢唔好成日諗,你為男友做過幾多幾多,
相對,你男友都有為你做過幾多幾多!
不如檢討一下,日常生活,是否發生咗問題?
又或者,點解班朋友會咁?
其實,朋友都好重要,應該都要互相尊重!
有時會唔覺唔覺,唔俾對方同呢個玩,唔鐘意佢同果個玩,
見到佢既朋友時,有無表露不悅之色?
呢d都要留意番!
明白到拍拖係兩個人既事,但同樣都要社交應酬!
緣份既嘢,就係要隨緣!
唔好諗佢班朋友點喇,諗下點樣令自己開心會好d!
佢班朋友咁,你就更加要開心,為自己爭氣!
活得要比他們好,要開開心心,知嘛?
轉貼:爭氣 - 容祖兒
以上影片乃youtube提供,與本站無關; 若無法觀看,可查看 原網址。 |
樓主: puppy_fun
在線雷達
發表於 2008-9-4 19:26:50
