8間"超好味"一定要去食嘅食店！

獅子山上村 · 發表於 2018-11-14 20:48:39

香港人不嬲都鍾意盲目吹捧一D比媒體報導過食肆／小食，最鍾意排曬長龍去食D唔好食嘅野！但其實好多野真係好普通，成日吹到天花龍鳳咁好食咁 !我諗⋯⋯香港人平時都攰啦⋯⋯成世人流流長都未食過好野啊！？今日介紹返大家：8間超好味一定要去食嘅食店！

1)金華冰室

招牌菜：菠蘿油

個包以前係真波，軟熟。

而家係假波，好硬。

聽聞之前整得出色既麵包師傅已退休。

2）北角雞蛋仔

招牌菜：雞蛋殼

我隻去過北角分店，

佢每次都淨係俾左餅雞蛋仔殼我，

個餡得四分之一個窿滿，

蛋香亦欠奉。

我中意入面飽滿煙韌多d！

而家真係無乜邊檔雞蛋仔係好食。

3）添好運點心

招牌菜：雪山叉燒包

開分店後，

點心已唔係即叫即整，

水準也大不如前。

好多時碟包係微暖，

而且焗得唔夠香，味道亦偏鹹。

其他點心水準亦隻算係好過稻香少少。

4)維記

招牌菜：豬潤麵、咖央西多

個人覺得西多ok,

用煎既方法去整，

唔會炸到起曬油焦，

感覺上食落唔會油膩同熱氣。

但咖央椰味唔夠清新。

潤麵較遜色，豬潤咬落無「起沙」，個湯好似落咗洗衣粉咁起晒泡。

5）清真牛肉館（九龍城）

招牌菜係：牛肉餅

汁太鹹，食唔到有牛味。

6)華嫂冰室(元朗)

招牌菜：蕃茄蛋菠蘿油、蕃茄豬扒麵

神級地雷！

即使位於有市區人懷疑會見到牛既元朗坑頭村，

那管openeyes網寫住位於「坑尾公廁對面」,

仍能吸引大家遠道而來，

而且日日爆場，

客人要等一個鐘先可入座。

呢個地雷咁勁，

全因有多位食家參與製造。

包括菜瀾、魚文樂、鄧達治。

加上各大傳媒及打手推波坐瀾，

想唔紅都難！

蕃茄蛋菠蘿油太多料，

好「漏」。

酸+甜+鹹混埋一齊，

味道怪怪地，唔夾。

另外蕃茄麵個湯太「傑」，

酸過龍。