今晚慶祝 "Eve of Halloween" （聽晚再嚟慶祝正日Halloween)

BP© · 發表於 2018-10-30 18:15:33

本帖最後由 BP© 於 2018-10-30 20:07 編輯

以上影片乃youtube提供,與本站無關; 若無法觀看,可查看原網址。

萬聖夜
「萬聖節」跳轉到呢度。要睇遞啲意思，請去【萬聖節 (搞清楚)】。

240px-Jack-o'-Lantern_2003-10-31.jpg

傑克南瓜燈

萬聖夜（英文：Halloween）係鬼佬傳統節慶，逢年10月31號舉行。世稱哈囉喂，之不過坊間好多人講萬聖節，查實係萬聖節前夕至真。呢個節慶於北美同英倫諸島至多人過，而澳洲及紐西蘭次之。嗰晚細路會扮鬼扮馬，逐家逐戶拍門𠼮人畀糖果過佢哋，佢哋會講「Trick or Treat」[1]。聽到呢句說話，屋主就會熟性派糖過佢哋。

萬聖夜嘅英文「Halloween」其實係「All Hallows' Eve」嘅縮寫，類似平安夜嘅「Christmas Eve」噉，係指「萬聖日」（All Hallows' Day，又叫All Saints' Day）嘅前一晚。

萬聖夜嘅兩個傳統活動，化粧同拍門攞糖（Trick-or-Treating）其實都有意思。化粧其實係為咗喺百鬼夜行嘅萬聖夜，裝扮到比鬼怪更加得人驚，噉就可以嚇走佢哋，唔驚俾佢哋騷擾。而拍門攞糖嘅行為其實係重現返中世紀時期，一啲窮人會喺萬聖節當日逐家逐戶去拍門問人攞嘢食，然後喺第二日諸靈節（All Souls Day）為嗰啲家庭已故嘅成員祈禱嘅舉動。

萬聖夜嘅主題係鬼怪、嚇人，以及同死、魔法、怪物有關嘅事物。而通常同萬聖夜扯上關係嘅事物有鬼魂、食屍鬼、巫婆、蝙蝠、黑貓、貓頭鷹、精靈、殭屍、骷髏同惡魔等，重有虛構人物例如吸血殭屍同科學怪人。

黑色同橙色係萬聖夜嘅傳統顏色，但而家萬聖夜嘅產品亦都會用紫色、綠色同紅色。而秋天嘅元素例如南瓜同稻草人等，都係萬聖夜嘅象徵。

maxresdefault.jpg.cf.jpg