［轉載］輕輕鬆鬆親子遊，聽故事，遊赤柱

rhkb

赤柱我地都嚟過好幾次，但每一次都係好指定嘅步伐，行下市集之後就去石灘玩下沙，然後就去食少少嘢就走。但原來赤柱都有好多特式同埋背後有個歷史嘅地方，所以三口子就嚟參加導賞團，聽住故事遊赤柱~

rhkb

以上影片乃youtube提供,與本站無關; 若無法觀看,可查看原網址。

其實我自己都好鐘意參加依啲導賞團活動，雖然地方可能我地成日都會去，但當聽住導賞員詳細地講解社區背景，可以明白更多地方歷史之餘，仲可以了解多啲當年嘅人民生活情況。輕輕鬆鬆嚟個親子遊，對我同小小豬嚟講都係一個好好嘅體驗呀！

我地今日係參加左「領展社區遊樂團」，跟住地膽導遊聽下赤柱嘅社區故事，仲體驗地道嘅社區文化。

rhkb

活動嘅第一站就係去參觀現存仍然運作嘅最古老赤柱郵政局~

rhkb

星期日當然係休息，我地係唔可以入內參觀，不過只係門外都可以有故事聽。導遊姨姨為各位大小朋友講解郵政嘅歷史，仲為大家講解鑲有英國皇室徽章嘅郵筒。

原來香港依家都仍然有幾個皇室徽章嘅郵筒係中區，不過已經回歸關係，所有徽章同郵筒都已經塗改為綠色，變得不起眼了。姨姨仲叫我地下次去中區自己搵下依幾個有歷史嘅郵筒，搵日又帶小小豬去行下，睇下搵唔搵到先~

rhkb

郵政局外仍然可以睇見英國皇室徽章嘅郵筒，同埋古代郵票售賣機，當然就只限展覽，所以我地睇時就只可以眼看手勿動，唔好破壞佢呀~

rhkb

rhkb

一場嚟到就試下買個郵票，依個小小豬講就話自己識，但最係都係要姨姨幫忙先成功買到個郵票。不過...其實依家真真正正需要寄信機會真係少左好多，我自己對上一次寄信都唔記得左係幾時啦~

rhkb

之後我地就慢慢行下啲排檔市集，一邊行姨姨都有同小朋友講解市集背後故事~

rhkb

嚟到第二個目的地，就係去感受大排檔風情，依間之前我地都想嚟食，不過勁多人等唔到位所以冇得食。唔怪得之咁多人，原來依間泗益係有超過60年歷史，好有在負責姐姐幫我地預先等位，終於可以一試啦~

rhkb

一坐底就飲番杯咸檸七抖下先~

rhkb

當然除左好飲之外，亦都有一個小故事。原來赤柱傳統有一個習慣，就係當有小朋友出世之後，佢地嘅家族就會為小朋友醃製一樽咸甘桔，就當係對小朋友一種祝福。一聽到依一環節，小小豬就問我邊解佢冇咸甘桔，估唔到佢反應咁快，依一刻我都真係唔知點回應佢...哈哈哈~

rhkb

當然唔少得最出名嘅免糖漿咖央西多~

rhkb

食依款西多係唔洗落糖漿，配埋佢地自家製嘅咖央，外皮香脆咬落鬆軟而且甜而不膩，真心覺得好好食，我自己都可以食左大半份呀~

rhkb

食飽飽之後就繼續行程，就慢步行出海旁睇下兩個歷史建築物。卜公碼頭原係中環交易廣場，於1920年搭建，碼頭上蓋以「鑄鐵」建造。之後因為維港填海工程而清拆，但上蓋就保留係黃大仙摩士四號公園作為露天圓形劇場。直至2005年，建築署為赤柱海濱改善研究規劃設計，就將上蓋重置赤柱公眾碼頭，成為赤柱卜公碼頭。

之前只係覺得個碼頭風景好靚，原來背後係有一個歷史~

rhkb

當然唔少得具有維多利亞時期色彩嘅建築物美利樓，佢採用左西式圓柱，以及中式的瓦頂，係香港殖民地時期早期最常見的建築設計，而美利樓則成為現存此類建築物中歷史最悠久嘅一座。當美利樓係中環嘅時候，曾經係一級歷史建築。但當被遷移至赤柱後，因位置不同，建築物料亦有所改動，所以由一級歷史建築降至不予評級啦~



初期美利樓係用作海事博物館，或可因為人流關係及地租問題，依家就變成餐廳及時裝店。其實都真係有點可惜，點解一座歷史建築物要變得咁商業？真係好值得令人反思。

rhkb

特式物仲有係美利樓旁『同昌大押』石柱群，原來依幾條石柱係油麻地上海街重建項目中拆下，然後安放係度俾大家欣賞呀~

rhkb

之後我地就去參觀最古老嘅天后廟，坦白講嚟赤柱咁多次，我都唔知有依個天后廟，今次都係第一次嚟呀~

rhkb

估唔到門口嘅佈置都幾特別~

rhkb

rhkb

入內參觀之外，導遊姨姨仲講解海上守護神天后背後傳說~