從「發帖很用心」説起

古不怪

在此發帖, 别人給分理由大多數是「發帖很用心呀」!
大家發個帖都那般用心, 卻有為父母官者施政毫不用心。

百年一遇風災後, 任意讓市民在千瘡百孔的路面照常返工就是一例。
個中艱辛狼狽, 是用屁股去想都預料得到的。

在一切民生問題上, 他們顯然不用心, 甚至沒有心 !
土地、房屋問題一味拖, 類似追悼會的各種名堂大小會,
一個又一個接着開, 雷聲大, 雨點小, 而且永無定論,
只能讓人永遠懷念 。。。。

説他們不用心也不完全對,
每遇「講毒」問題上市, 衆官皆表現有備而來, 異口同聲,
熱烈响應, 慷慨發言, 嚴肅指責, 自稱痛心, 以示同心, 報効主公, 以邀恩寵。。。

時刻視「講毒」為表忠良機, 一刻也不放過, 竊喜之餘, 屁顛屁顛跟在主公背後幫腔,
能説他們完全沒有用心嗎 ?

kinsoncc

風災過後, 777第一時間巡視的, 係陪大陸佬去睇西九站, 而唔係巡視市面情況, 連做show都親疏有別!

kingkong_hk

今次算好啦， 香港澳門都冇死人消息傳出

1早已經吹晒風叫人準鼻

Monfortino

事前準備滿分
事後應對零分

op1b

其他區情況唔確定
但係自己住果區
風災次日, 無車無船無路
綠化環境二十年
平常林蔭兩旁
風災過後, 樹木唔係擋路
就係示威, 搖搖欲墜...  同你講, 夠膽咪行過去囉...
行緊行人路, 不時都要行已被樹封死之馬路

幸好, 風災後兩天, 有入傷幸沒亡

artlo

回復 kinsoncc ##2 的帖子

民選同被主恩選既分别.

sunlikwong

小弟一位老坑口痕老友講:

政府有心臟, 但有都唔用!
政府係愛國, 但分唔清黨同國!
政府更愛港, 因為香港係佢地個人利益所在, 國內幾時輪到佢地喎?
事前有準備, 當然沾沾自喜
事後就使咩準備啫, 因為一定有人幫口話埋怨就係一味
政府好自滿咁話, 佢地唔會自滿....
山竹差唔多塵埃落定, 但係貿易戰(有d人話係金融戰).....唔知政府有冇符fit去應對呢?

利益申報, 呢位老坑一定唔夠小弟愛國, 但佢堅決反對港獨, 大家就當佢發下up風喇!
(本來冇需要替呢位老坑利申, 但係諗住遲D可能連唔表態都唔得, 所以係度習慣下先!)

古不怪

回復 sunlikwong ##7 的帖子






"愛國, 但分唔清黨同國!"
一語中的


"政府有心臟, 但有都唔用!"
那是因為利令智昏
「競選」時為抬升民望 (不是選票, 因民無選票) , 也許還有點心,
惟一登大寶, 性格大變臉也變 !


"利益申報, 呢位老坑一定唔夠小弟愛國, 但佢堅決反對港獨"
上年紀的人, 有誰不愛國, 活了大半輩子, 沒見過也聽過,
這個國和人還被欺凌得少嗎 ?
可是, 一旦意圖分清國與黨, 那人就被劃定為「賣國」類,
愛中國與否, 居然由馬列集團說了才算 !

carhin

kinsoncc 發表於 2018-9-20 10:07
風災過後, 777第一時間巡視的, 係陪大陸佬去睇西九站, 而唔係巡視市面情況, 連做show都親疏有別!

條光頭佬陳煩都唔敢哺頭和發聲，比人吊得少咩

sunlikwong

回復 古不怪 ##8 的帖子

我呢位老坑朋友對咩叫愛國就咁形容:

愛國就好似相對論, 有人係討論各種問題時, 間唔中會好權威咁攞出嚟講: 呢D咪就係相對論囉, 你唔明架喇! 其實有幾人真係明咩野係相對論呢? 愛國咪又係, 其實好權威咁講愛國o既人, 鍾意質疑人愛唔愛國o既人, 明唔明咩叫愛國呢? 我係老坑, 不過唔好當我係維園阿伯!



今時今日係香港, 愛唔愛國? 可能真係好似師兄咁講, 由馬列集團說了算......... 不過, 香港仍然會有一D 好似小弟同埋小弟嗰D朋友咁, 食古不化, 唔想做維園阿伯.

iambig9

柒柒柒那會用心在民生上，佢只需要服侍主子，及保皇狗的既得利益吧了。

kinsoncc

sunlikwong 發表於 2018-9-20 17:23
回復 古不怪 ##8 的帖子

我呢位老坑朋友對咩叫愛國就咁形容:

香港果d? 算罷啦, 班友做左幾十年人, 以前又唔見佢地講愛國, 而家國家富起來, 就愛國前愛國後, 仲要周圍質疑其他人愛唔愛國, 肉酸到不堪!

kingkong_hk

愛國必先要4圍酸傳中國人77國際先得

sunlikwong

回復 kinsoncc ##12 的帖子

香港講愛國果班, 其中尤其係有錢果班, 真係唔覺佢地以前講愛國, 仲要攞埋外國護照喎, 可能小弟見識少, 佢地咁做係為左旅行方便啫, 其實佢地暗中愛國, 我察覺唔到啫.

不過亦有一班, 好似維園阿伯咁, 唔係唔愛國, 不過港英時代唔敢俾人知道佢愛國, 佢地以前好怕醜, 因為當時o既環境, 俾人知道愛國係好醜, 好儍, 好天真!  而家又點同, 唔表態愛國都唔得, 加上有工開, 又將愛國心屈係心臟入面咁耐, 咁咪火山爆發咯. 其實佢地可以抒發幾十年o既抑鬱, 又賺下零用錢, 都唔錯喎!

當然, 仲有另一班, 就好似師兄咁講, 以前冇思考過愛國 (呢個肯定係港英政府o既罪孽), 而家純粹見國家越嚟越富强, 咁咪搭順風車囉, 冇得輸o既.

sunlikwong

愛國必先要四圍宣傳美帝, 爛仔國, 同埋幫兇國家, 各種大小不堪o既趣事, 重要酸下香港人爭取國際支持先得.

kinsoncc

sunlikwong 發表於 2018-9-21 11:29
回復 kinsoncc ##12 的帖子

香港講愛國果班, 其中尤其係有錢果班, 真係唔覺佢地以前講愛國, 仲要攞埋外國 ...

以前老鄧寫基本法就講明, 當特首或者立法會主席等職務, 不能持外國護照的, 就是希望確定當權者必須是愛港愛國的人, 可想而知外國護照同愛國人士兩者身份係是有矛盾的, 但你睇而家香港呢堆喊愛國喊得最大聲果班人, 大部份就算唔係自己執外國護照, 就係老公老婆仔女入晒外國藉, 自己家人都選擇取信別國, 仲好意思批評香港人唔夠愛國, 不過想深一層, 連習帝自己個女都係美藉, 立了咁好的榜樣, 腳下呢班奴才太監, 又點會覺得手執外國護照喊愛國會唔好意思呢?

古不怪

回復 sunlikwong ##14 的帖子



"佢地以前好怕醜, 因為當時o既環境, 俾人知道愛國係好醜, 好儍, 好天真!  ....."

人物描繪   栩栩如生
個中情節   歷歷在目  

kinsoncc

sunlikwong 發表於 2018-9-21 11:37
愛國必先要四圍宣傳美帝, 爛仔國, 同埋幫兇國家, 各種大小不堪o既趣事, 重要酸下香港人爭取國際支持先得.

所以腦殘的邏輯特別奇怪, 有美國護照但只要把口說愛國, 搭兩句美國佬不是, 已經可以列入愛國者之列.

kinsoncc

古不怪 發表於 2018-9-21 14:01
回復 sunlikwong ##14 的帖子

所以有種說法形容佢地屈辱了幾十年, 現在有如山洪暴發般的釋放!

古不怪

回復 kinsoncc ##16 的帖子





那些在大陸還是窮光蛋年代就緊跟老貢的人,
不乏有讀過書,學問大,有專業的,
他們不以跟随老貢為羞, 生活簡樸, 穿着藍白,
在港英統治那年代, 驕傲的四處宣揚其理想 , 很有勇氣。

儘管不認同其政見, 但他們愛國的可信度,
遠高於今日那批聲嘶力竭, 初稱痛心, 継而憤怒之輩 。。。。