5 個頭！

地溝男 · 發表於 2018-9-16 03:48:04

【手機鏡頭競賽】LG 10月初發佈 5 鏡頭 V40 Nokia 9 蓮蓬設計更誇張

這兩個星期的手機新聞都被新iPhone XS/XS Max/XR壟斷，但一講到「手機鏡頭競賽」，iPhone就無得參加啦！不到半年前Huawei推出4鏡頭（前1後3）手機P20 Pro確實搶晒風頭，但LG即將會在10月初發表據稱用上5鏡頭設計（前2後3）的旗艦手機V40 ThinQ，計鏡頭數目就先贏一仗。

早前有傳LG會延遲到11月中才發表V40 ThinQ，但轉眼間LG就正式發出邀請函，將於10月3日在紐約舉行產品發佈會發表V40 ThinQ，當中更用上「TAKE 5.」字眼做宣傳，相信就是指新手機會配上5個鏡頭。5個鏡頭會以3個主鏡頭及2個自拍鏡頭配置，從LG剛公佈的10秒V40 ThinQ發佈會宣傳動畫中所見，3個鏡頭分別會用上遠攝、廣角及黑白設計，能拍到出色的散景效果。

但5鏡頭算最多？原來未算，網上流傳Nokia 9將會在機背配上5個鏡頭，再加上圓形閃光燈及一個疑似紅外線裝置，即機背共設有近似蓮蓬外形的7個「窿窿」，有密集恐懼症的朋友要小心啦！暫時未能夠確定機背5鏡頭設計的真確性，但若然屬實的話，記者就諗唔通5個鏡頭在功能上點樣分工啦。