又睇佢會唔會找數!?

op1b

稱發展大灣區「香港一定發達」　林奮強：如5年內解決房屋問題無望會移民
=========================================================

(原文來自明報)

前行政會議成員、香港黃金五十創辦人林奮強出席商台節目時，談及本港經濟發展及土地供應。林奮強表示，如果沒有了「一國兩制」中的「一國」優勢，香港將失去經濟上的龍頭地位。他又稱現時發展粵港澳大灣區下，「香港一定發達」，呼籲香港社會不要泛政治化，而港府也應該加緊建設好硬件配套。

林奮強指，香港過去20年來發展策略出錯，加上香港很多市民都不明發展大局，使得人們依然希望僅用蒸餾水救熄土地供應短缺的大火。他直言香港社會爭拗得最多的是政治，稱良好社會發展需要3種元素，包括有一個可問責的政治制度、蓬勃發展的經濟和土地等硬件充足，稱如港人考慮未來政策時能夠貼地，不要事事以陰謀論出發的話，「香港一早變了天堂」。

林奮強稱，如今香港面對的醫療、土地和房屋等3項問題已超越臨界點，直指現時開步已經遲，港人不能再持着「蒸餾水救火」思維。他呼籲政府應有決心，大刀闊斧處理所有問題，不應逐步解決，更直言如果香港未來5年痛定思痛，都未能解決以上3項問題的話，「我都會移民」。

林奮強又表示，中國未來5至10年將支撐起全球六成的經濟發展動力，而香港近水樓台先得月，使得港人年輕一代不會像歐美一般，有四成多是失業的。不過，他認為雖然不少人港人因對中國有成見，不願北上發展，但客觀上而言，「一國兩制」中的「一國」給了香港很多支持。

他舉例，大部分國家股市市值是其國民生產年總值的一倍多，然而香港的是高達15倍，這源於港股五成公司、六成市值、七成每日成交額都來自內地。他指，如果香港失去這些「一國」支持，如今市值最大的僅是香港電訊，每日成交額也會大減七成，香港金融業也會失去龍頭地位。他形容，香港經濟因與內地互補而受惠：「如果未來20年中國更加好的話，年輕人乘着這快艇北上，是不會比歐美遜色。」

林奮強又以發展粵港澳大灣區為例子，指不少內地人才及科研機構會來港，「香港一定會發達」，但如今卻因硬件配套不足而自己製造矛盾。他指如今香港年輕一代已經多了很多機會，呼籲香港應盡快發展硬件配套，而港人亦應支持政府，不要因為陰謀論而「害了自己人」。

呀強少, 依家政府手上唔係少少地都無, 而係根本唔想搞更多公營房屋.. 就算咩造地, 來來去去都係想賣地, 去增加私營樓等人買..
講咩年青人北上... 國來無年青人咩 ??? 等香港上 ?
講咩不少內地人才及科研機構會來港, 香港人自己都要訓街, 佢地又以咩條件黎 ? 真係身有一千幾佰萬先買屋後發展, 係都去歐美發展啦.. 人家屋平呀
講咩5年解決唔到住屋會閃 ?  你閃啦.... 唔好浪費時間

sunlikwong

叫香港配合大灣區, 好明顯係一項政治掛帥o既經濟行為, 林先生自己講 D 咁政治化o既野, 但係就叫香港社會唔好咁政治化.

林先生又話D人因為陰謀論「害了自己人」.  人地憂慮D唔好野, 就係陰謀論.  咁, 佢將憂慮當係陰謀論, 唔知又算唔算佢本身o既陰謀論呢?

人地講政治就唔好, 佢講就包香港發逹; 人地諗 D 唔好o既野, 佢就話係陰謀論, 佢講人地唔好, 就包香港發逹.

林先生當左自己係巴郡股神Warren Buffett 包發逹?

op1b

我睇法係...
造幾多地出黎根本解決唔到住房問題
政府唔想太多財政負擔, 都唔會去解決果二十多萬公屋申請
香港係零企業, 資金無出路, 厚利只有樓市
供應再多, 有資金果批就全力掃貨, 賣到就賣, 唔賣一樣可以劏,
政府只係想高收低付出
無條件果批, 得個等字
住房問題依然係毒害香港發展

有心想黎香港發展, 第一個問題面對一定係住
係內地住開大屋, 會唔會住慣幾十呎 ???

artlo

肥媽金句, 唔happy係中国领土, 走囉.

F1D1S1

只有老千才會說，做某種事能一定發達的。

sunlikwong

小弟正宗老坑一名, 前幾日同D老小弟一輩o既長者傾計, 提及林先生呢個包發達o既講法.

可能佢地食鹽多過小弟食米, 佢地就咁講:
長者甲: 有咩咁出奇啫! 晚清時候o既賣豬仔, 專呃 D 華工去東南亞, 美國, 甚至南美打工.  
長者乙: 車! 老蔣都呃左唔少軍人撤退台灣, 準備反攻大陸喇.

小弟就咁諗, 晚清政府積弱, 經濟不振, 窮鄉僻壤o既農民或漁民, 賣豬仔去博一舖, 好易領野.  國民黨係大陸失勢, 唔走唔得, 軍人唔走, 可能變左叛變, 我諗有D 焗住跟國民黨走.

講番林先生, 佢認為不少港人對中國有成見, 唔願北上發展, 仲要呼籲年輕人北上. 更以大灣區為例, 佢話會有不少內地人才及科研機構會來港, 香港如果委身迎合, 必然發達.

不過, 諗真D, 照佢講, 如果香港真係發達, 年輕人係香港搵食咪得囉, 仲有咩誘因北上呢? 定係佢暗指香港就有人發達喇, 不過就唔係你班後生仔, 好走啦, 近近地去大灣區喇. 因為要留番D 空間俾內地人才及科研機構來港? 唔通呢D就係佢講: "香港很多市民都不明發展大局"?

我諗林先生又會用佢自已嗰套陰謀論, 話小弟就係事事以陰謀論出發o既人, 不過, 佢呢篇偉論, 真係冇咩說服力. 可能小弟都仲算有 D 思考力, 又冇咩享受過蛇齋餅粽....

而於佢呼籲年輕人北上, 小弟衷心希望唔會係賣豬仔, 撤退台灣O既翻版, 大家放長雙眼......

最後補充一下, 小弟都係愛國o既, 小弟都想中國越嚟越好. 不過小弟唔認為中國越好, 香港越好.
小弟就相信中國越好, 中港融合越快, 不過融合越快, 對香港人係咪越好, 就真係見人見智囉!

dingpong

op1b 發表於 2018-8-20 12:13
稱發展大灣區「香港一定發達」　林奮強：如5年內解決房屋問題無望會移民
================================ ...

這條港奸老林....只是替掌權者又呃又騙香港人而已.

271lee

做大灣豬一定會發達 !
邊個先