被控阻街八旬婦遭警員包圍抬上警車

大頭的Qoo

食環署票控長者非法擺賣的事件再引起關注。有市民上載影片，指昨晚8時許路經深水埗桂林街時，有一名約80歲婆婆被逾10名警員包圍，同時有食環署職員票控婆婆「非法擺賣」雜物，警員再以不提供住址為由，將對方帶返警署協助調查。該市民引述婆婆表示，食環署在毫無警告下充公其貨品，並遭警員粗暴對待，導致腰和腳部受傷。

據香港野豬關注組幹事Roni Wong上載至fb的影片所見，食環署職員被問及能否「畀條生路」時解釋，有關行動能夠在不給予警告下作出票控，形容行動屬「一致性」；其後有警員指出，有關人員正在執行職務，並詢問對方有否目睹整個過程。在警車到場後，警員向婆婆表示，由於她未能提供住所地址，故需返回警署協助調查，婆婆一直低頭未有理會警員。

Roni Wong遂再次向食環署職員查詢，帶婆婆上車的原因，在場警員隨即反問對方是否清楚知悉整件事，又指「如果你唔清楚，你畀我哋做完件事先得唔得？」形容拍片者「煽動街坊圍觀」，希望他「檢點一下自己」；其間有警員反問：「係咪80歲犯法都得呀？」

Roni Wong在fb表示，醫護人員其後到場，勸籲婆婆上救護車不果，擾攘近30分鐘後，婆婆被抬上警車。根據第二段的影片，現場約有4至5名警員圍在婆婆附近，並將她和行李箱抬至警車上，其間一直傳出婆婆的哭泣聲，亦有警員着她不要掙扎，高呼「如果個個好似你咁咁就得就好喇，警察唔使做嘢㗎啦」、「呀婆唔好郁手郁腳」、「你（婆婆）踢到我呀」。

直至今日凌晨時分，Roni Wong在帖文更新消息，引述婆婆稱其左耳聽力有嚴重問題，主要以客家話作日常溝通，當晚食環署人員在毫無警告下充公其貨品，並指警員在拘捕期間，用手打她的腳和腰部，粗暴推她上警車。

對此，有網民直言「睇到心好痛」、「又係對付手無寸鐵嘅」；但亦有人表示，警察接到投訴便要處理，認為不能小事化大地一面倒指摘警方。

《明報》昨晚就事件先後向警方及食環署查詢。食環署今早回覆指，署方小販事務隊昨晚在深水埗桂林街一帶的無牌擺賣黑點採取執法行動。其間，人員向一名無牌擺賣物品在街道造成阻礙的年長女士先後作出多次口頭警告，惟其拒絕離開。在警方協助下，署方人員在取得女士的個人資料後以傳票方式檢控其阻街。

明報新聞
======

根本好簡單, 如果呀婆為興趣, 我一定企政府果邊...   唔好同我講法, 講法前一定係先求生.  有命先可以守法.   拉佢之後, 係唔係養佢先 !?  佢如果求生, 拉佢政府又唔養佢, 即係叫佢去死.  

artlo

回復 大頭的Qoo ##1 的帖子

支持清理低端人口, 繼续大白象工程,

霍元界萬歲

選擇性執法,水貨客同大陸佬就永遠放生

kinsoncc

特衰警察又成功破獲一宗非法擺賣，更當場拘捕匪徒，將匪徒繩之於法！

Sichuanman

婆婆有特權非法擺賣？
婆婆似老賣老，唔俾票控就吹起民衆同食環敵對。
食環就叫警察幫手，警察到場見多人搞事，所以叫多警來維持秩序。
就俾毒果寫成15警抬婆婆上車！香港很多無腦會信。 ...

artlo

回復 Sichuanman ##5 的帖子

Sickoldman, 理論上婆婆冇特權非法擺賣, 實際城管同公安夾埋咁去处理這事, 白痴都不如, 你乜背景 ? 你傷親又係乜背景 ? 新移民囉 ? 香港同大劣唔同, 你睇唔顺眼婆婆有特權非法擺賣, 返大灣啦.

大頭的Qoo

Sichuanman 發表於 2018-7-1 20:47
婆婆有特權非法擺賣？
婆婆似老賣老，唔俾票控就吹起民衆同食環敵對。
食環就叫警察幫手，警察到場見多人搞事，所以叫多警來維持秩序。

好簡單, 打仗走難果時, 你自己又會唔會守法呢 ?

生存先係重要...

自己過得好, 唔好吋人臨老過唔到世

趕盡殺絕, 小心有報應嫁

大頭的Qoo

artlo 發表於 2018-7-2 08:07
回復 Sichuanman ##5 的帖子

Sickoldman, 理論上婆婆冇特權非法擺賣, 實際城管同公安夾埋咁去处理這事, 白 ...

香港人最常見司機犯法, 就係當車停係紅綠燈前,
紅燈果時駛前少少比後面救護車過先.  
彌敦道, 基本上日日發生嫁啦.
每日搵十個八個差人, 企遠十字路口少少.... 有排抄啦.

artlo

回復 大頭的Qoo ##8 的帖子

師兄講得冇錯, 睇吓中環闹市, 每日有幾多老奉違例泊車 ? 有冇见到公安做野 ? 城管呢的低端公僕, 唔係佢个反可以不理, 的公安食蕉啦.

Sichuanman

大頭的Qoo 發表於 2018-7-2 08:31
好簡單, 打仗走難果時, 你自己又會唔會守法呢 ?

生存先係重要...

乜現在香港在走難，打仗嗎？

kingkong_hk

犯左法要拉好合理

做雞刀係自力更新求搵2餐又唔係傷害人刀要拉

老人為左搵食犯法就唔洗拉由得佢?

大頭的Qoo

Sichuanman 發表於 2018-7-4 09:33
乜現在香港在走難，打仗嗎？

咁你死都要支持有權用盡, 依法查辦就是合理
點解你唔吊差人唔去抄果批犯法司機
又時運高 ?
一條彌敦道, 一日幾十次一定有,
救護車出車次數多, 彌敦道燈位多

最重要係, 經常燈位前頭車衝紅燈,
右cut左又或者左cut右. 危險駕駛
拉得嫁啦.

無賴階級專政

Sichuanman 發表於 2018-7-4 09:33
乜現在香港在走難，打仗嗎？

係呀～而家就係打緊仗呀～呢個阿婆係恐怖份子搞港獨呀～所以啲警員先至會空群而出呀～

kinsoncc

如果你係中國人, 藐視法庭判左刑都唔駛坐監, 欠堂費就算想再入境找數都唔得.
如果你係中國人, 跑來香港犯上行乞罪, 差佬唔拉仲有特首500大元獎勵.

阿婆話, 來生不做香港人, 要做中國人!


【即時文摘】圍阿婆無做錯

阿婆，你俾10幾個阿sir拉返差館，仲要抬你上埋車，你知唔知你究竟衰乜嚴重罪行？你唔知，你仲喊喎，我依家講你知。
第一，你衰喺錯誤時間擺檔。你做乜喺人哋阿sir同食環搞大龍鳳聯合行動嘅時候仲擺檔呢？話明大龍鳳梗係做戲做全套無情講啦。你應該揀喺林鄭選特首，或者是但一個人想選特首，選立法會都可能得，區議會就唔好啦，無乜人報導。如果你揀喺林鄭選特首嗰陣出嚟擺檔，你咪唔會俾阿sir圍囉，你會得到林鄭特首親切嘅慰問同埋慷慨嘅500蚊紙，同時絕對唔會有阿sir夠膽話你「非法行乞」或者「非法擺賣」。你得到的便是同情而不是「一致的執法」。鏡頭捕捉之下，話唔定仲有社署人員會關心跟進你的生活情況，而唔似依家咁樣，淨係想捉你上車。阿婆，你揀錯時間啦。
第二，阿婆你衰在淨係識得喊而唔識講英文。你試吓好似嗰時嗰個法官姪女咁，大大巴摑落阿sir塊面度，再加一句英文，個阿sir邊敢出聲警告佢「你唔好打阿sir啊」。但阿sir夠膽凶你！阿sir捉你上車時會大聲話「阿婆你隻腳唔好踢到我﹗」真係聽到都好笑﹗堂堂男子漢怕俾阿婆嘅香雞腳踢傷。阿婆莫非係峨嵋派掌門？難怪熱心市民都忍唔住「你唔係想告阿婆襲警啩？」
唔識英文，阿婆你真係蝕底。
第三，阿婆你做乜要為咗照顧百歲媽媽而冒險出嚟擺街檔先得㗎。你本身已經係長者仲要照顧另一個長者，咁擺明落林鄭面啫。林鄭今年新春時講過，話「狗係好忠心耿耿，亦都好照顧主人家嘅，我哋特區政府都係好照顧老人家嘅」。林鄭話政府會好似隻狗咁照顧你哋老人家，依家你明啦，就係要你哋老人家做到隻狗咁照顧其他老人家啊。
各位阿sir，圍阿婆，嚴正執法，你哋真係無做錯！