上水交通癱瘓4粒鐘 司機市民「嗌救命」 E-mail 此主題給朋友

大陸仔1234

上水交通癱瘓4粒鐘　司機市民「嗌救命」 E-mail 此主題給朋友

[隱藏]


  
   


  



【21:48】運輸署表示，上水一帶交通回復正常。

幾乎每月發生一次交通大癱瘓的上水區，今日傍晚又再大塞車。據了解，傍晚6時許，上水多個交通樞紐，包括雞嶺迴旋處、大頭嶺迴旋處、掃管埔路、新運路及新豐路等，均出現嚴重擠塞情況，各處出現長長車龍，數十輛小巴在站內未能駛出，大量巴士、小巴及的士被困路中，未能駛上高速公路，甚至有車輛被困路中超過45分鐘。另一方面，由新田公路開往上水的車輛，亦未能駛入市區，以致多個車站「無車到」，排滿近千名候車客，車站出現「打蛇餅」情況。

警方在上水區進行交通管制措施，一度封閉雞嶺迴旋處部分出入口，禁止私家車及貨車駛入上水，只准巴士及小巴進入，以舒緩上水交通，惟有司機批評：「其實無分別，啲車去下個路口入，一樣都係塞！」。有巴士被困迴旋處對開公路接近一小時，最終車長打開車門，讓乘客在公路路肩步行離開。

有候車的「打工仔」表示，候車多時始知無車可搭，未知可以如何回家，「飯又未食，等車唔知等到幾時，次次都係咁，政府幾時先搞返掂？」有前往元朗的候車客表示，已預料超過2小時都未能上車，只好轉乘港鐵往紅磡轉車，再經西鐵往元朗，「都唔係第一次，預咗佢起碼10點啲車先散到，一定唔會喺度等，兜個圈返去可能仲快！」

根據警方資料顯示，今午至傍晚上水並無發生交通意外，突然發生交通癱瘓情況仍有待了解。運輸署於傍晚6時51分宣佈，由於車多關係，上水一帶的路段十分擠塞，該區的專營巴士及公共小巴的班次已經受到影響，呼籲駕駛人士儘量避免前往該區，或改乘鐵路前往北區。                                                

google22

回復 大陸仔1234 ##1 的帖子

集體運輸，港鐵，起了作用。

hoikin_hk

所以都係地鐵重要....

大頭的Qoo

癱瘓4粒鐘, 一定係交通部問題
好多駕駛者有盲目求快心態, 就黎紅燈,
就死都要去.  永遠頂住個路口,
綠燈條線好多時係想去又唔去得
交互影響....  
向來都有發生, 但白炸一到, 半粒鐘一定通

嘩..... 成癱瘓4粒鐘
到底係當日白炸人手不足, 定係指揮經驗不足呢 ?

好交代吓喎