[轉載] 無懼惡鄰居！「震樓神器」實測，絕地反擊！

The_Matrix · 發表於 2018-2-4 12:05:25

[轉載] 無懼惡鄰居！「震樓神器」實測，絕地反擊！

各位有無試過樓上、隔離左右有惡鄰居？樓上深夜12點喺度泵牆泵地板？朝早6點仲未起身又喺度跳黎跳去？小妹呢半年黎深受其害！投訴十幾次，樓下大堂出埋通告，甚至上埋樓上對質都係無用，呢Ｄ唔顧人感受既鄰居又點會理你丫，小妹忍唔住淘左個「震樓神器」返黎，效果如何，一齊睇睇！！

內地熱賣，安裝簡單

其實震樓神器已經出左差唔多三年，經過幾代演進，而家已經變得輕巧、容易安裝，仲好輕巧添。小妹買果個只需花費$100頭，已經包含左伸縮杆同主機，用果陣只需拉開伸縮杆，將支杆個頭用賣家比既貼紙貼上杆頭，再頂住天花板，即可完成，成個安裝過程只需幾分鐘。

即日已見效

小妹搞完一大輪，實在急不及待開機，一開機，屋企即刻「砰！砰！砰！」連小妹我都覺得幾嘈，甚至隔左間房都聽到有聲，不過我諗樓上應該會仲應！我開左機之後，樓上都即刻泵野反擊，點知過左十五分鐘之後都係自動投降。結果平時樓上都會嘈到十二點，而家唔洗十一點已經乖乖上床瞓覺，嘻。

第二朝樓主都乖乖無喺六、七點擾人清夢，直到Office Hour先至再喺度泵野（其實有咩咁好泵要泵足半年？＿＿＿？）

至於部機點震法，各位可以參考以下模式：

小妹裝喺睡房入面，其實都幾嘈，所以都係警告性質對付樓上。

普遍淘寶既用後評語都係正面：

內地有真實案例如何整治樓上惡鄰居

以上影片乃youtube提供,與本站無關; 若無法觀看,可查看原網址。

淘寶關鍵字：震樓神器

後記：切忌以報復心態使用

其實小妹情非得已先至花錢出此下策去買呢個神器，我已經比樓上折磨左差唔多半年，投訴又投訴過，物管又警告過佢地，迫不得已先至買「震樓神器」整頓樓上。雖然事件暫時得到解決，但奉勸大家真係要用呢個神器的話，切記點到即止，人地嘈你先至好用黎警告返樓上。

最後祝大家屋企清清靜靜，鄰居和睦相處～

PC3