梁天琦退黨 黃台仰潛逃 本民前瀕瓦解

powertvb

東方政情：梁天琦退黨 黃台仰潛逃 本民前瀕瓦解


.喺佔領行動後冒起嘅本土派政團本土民主前線（本民前），「風光」不過三年就瀕臨瓦解！因涉嫌參與旺角暴亂而被控煽惑暴動等罪名嘅本民前召集人黃台仰同核心成員李東昇，早前棄保潛逃遭法庭頒發拘捕令，已令本民前變得群龍無首。本民前尋日凌晨再喺社交網站宣布，同樣被控暴亂罪嘅梁天琦已辭任發言人兼退黨。三名代表性人物有兩個失蹤，一個退出，剩低啲不知名嘅「口罩人」成員，本民前就算唔正式解散都睇怕難成大器。


根據本民前嘅公布，梁天琦面對來年漫長嘅審訊，佢本人希望喺餘下數月陪伴至親，於早前辭去黨籍同發言人職務，本民前挽留不果，對梁天琦嘅辭任感到可惜但尊重。本民前又話，梁天琦曾經參與二○一六年立法會新界東補選，並獲得超過六萬六千票，讚揚佢成功將本土理念打入香港主流嘅政治舞台喎。
梁天琦疑似洗底 應付旺暴案
其實梁天琦淡出政壇及社運最前線，早已係有迹可尋。自從佢與黃台仰等人被控暴動罪後，梁天琦就明顯轉趨低調，雖然佢都有應邀到英、美、加等地繼續「唱衰中港」，但遊行示威活動就好少再見到佢。佢曾喺訪問中自認懦弱同需要反省，又話因為有官司喺身而無法走到最前。
今次梁天琦退出埋本民前，令人懷疑佢係有意幫自己「洗底」，與選擇遠走他方、棄保潛逃嘅兩名前黨友，揀咗行另一條路，以便應戰喺下個月正式開審嘅旺暴案官司。
青政游梁亦官司纏身難發圍
除咗本民前，另一佔領後催生嘅本土派政團青年新政（青政），前景亦唔好得好多。青政嘅兩位代表人物游蕙禎同梁頌恆，先後被取消議員資格及遭立法會追討百多萬元薪津，最後可能搞到要破產。尋日兩人仲要為因宣誓風波而引發嘅衝擊立法會案上庭受審，根據近日嘅法庭判例，一旦罪成兩人隨時會被判監。冇咗游梁領軍，估計青政亦好難再有咩嘢新搞作。

肥叔叔

2 個著草,  1個龜縮

梗係肥佬黎唔出糧啦

Sichuanman

收美金又做唔到嘢，緊收皮喇！

temp19782005

現在誰是發言人?

bei6266

冇錢搵,冇人做笨7仔,冇人肯比錢點做呀.

powertvb

bei6266 發表於 2017-12-26 15:10
冇錢搵,冇人做笨7仔,冇人肯比錢點做呀.

大把錢，轉緊

Sichuanman

大勢已去
窮途末路
著草都唔掂
有錢無命享

Paulsiu69

呢班友仔唔死都冇７用

powertvb

过街老鼠

Sichuanman

【東方報訊】因涉嫌參與去年旺角暴亂而被控煽惑暴動等罪名的本土民主前線召集人黃台仰，早前疑棄保潛逃遭法庭發出拘捕令，黃台仰至今下落不明，其個人社交網站已有一個半月時間未有更新，近日網傳一張相片，顯示黃台仰曾於十月初在德國與「疆獨」代表會面。

據網上流傳的相片顯示，黃台仰與同樣被法庭發出拘捕令的本民前李東昇，與世界維吾爾代表大會（世維會）秘書長多里坤‧艾沙及世維會副主席Umit Hamit等人會面。
疑10月初拍攝 半年內兩見面
不過，上載該張相片的網民未有點名提及黃台仰的名字，只稱是港獨人士與世維會秘書長於今年十月三日在德國慕尼黑會面。據報黃台仰於今年六月曾到台灣參加「亞太合作安全國際研討會」，會上討論如何聯合亞洲少數民族對抗中國，當時Umit Hamit亦有出席，故如網傳的照片屬實，今次是兩人於不足半年時間第二次見面。
黃台仰早前獲法庭批准，保釋期間到德國出席活動，原定於十一月廿日返回警署報到，但黃沒有出現，他與李東昇於本月九日沒有到庭應訊，二人均遭法庭發出拘捕令。