【分享】一人一個經典沉船經歷

lawrenchan

本身都已經好煩，就响呢個時候，某一日我收到個sms，係前度發俾我，内容大概話佢要自殺之類。我好緊張，但蒙古女叫我唔好返去，我始終不放心，話晒人命關天，唯有講聲對唔住就衝出去啦。
返到去，見佢訓响床度，嗌佢打佢都冇反應，唯有打999啦，白車好快到左，一面急救一面送佢入醫院。佢係食安眠藥，醫院同佢洗左胃，冇死到但就昏迷不醒。呢一刻，佢D呀爸呀媽姨媽姑姐全部黎晒。咁嘅場面，我就俾人屌爆啦，呢一刻我真係崩潰啦。

待續........

lawrenchan

好彩佢第二日醒返，如果唔係我就仆街啦。大家亦可以想像佢D屋企人會點對我，會同我講D乜。基本上都係叫我返番去，出面個女人係狐狸精，壞女人之類嘅說話。
蒙古妹知道左就梗係唔開心，本身工作已經不如意，而家又發生呢件事，佢好驚會離開佢。佢見我成個人落晒形，都唔敢煩我，但我知佢好担心，終日愁眉深鎖，我地亦冇晒心情攪野。
呢件事亦已經驚動埋我老豆老母，群眾壓力已令我透不過氣，體重跌到得番135磅。

待續......

lawrenchan

轉眼已經秋天，天氣開始涼涼地，令我更加傷感。我返到屋企，見到蒙古女係屋企喊得好淒涼，真係我見猶憐。我問佢咩事，原來佢已經辭左份工。我老母打過俾佢，内容都係話唔會俾佢同我一齊，因為佢離過婚，又有個女，又係大陸人，同埋話佢係唔正經嘅女人。

蒙古妹喊到成塊面都紅晒，佢話：你走啦，我雖然好想同你一齊，但係我知道我冇可能把握到你。我知我出來做係會俾人睇唔起，所以我都無諗過會有人愛我，我只係想揾到多D錢養大個女。點解你要揾我，俾希望我。我已經盡量去改變我自己，希望做好自己去同你一齊，希望唔會失禮你。但係原來我做乜都冇用，個天係唔會俾機會我。你唔好同我一齊，我唔洗你幫，你唔好理我做乜，我做雞都係我自己嘅事。

見到佢咁傷心，我都喊埋出來，本來想俾幸福佢，估唔到攪到佢咁。但係我到呢一刻仍然好堅定我係鍾意蒙古女，亦好想娶佢，佢係我幾十歲人唯一有結婚衝動嘅女人，我唔可以再令佢傷心。

我抱住佢，俾佢喊晒出來，等佢心情平伏番就同佢講我已經決心要同佢一齊，非卿不娶，無論其他人點睇我都唔緊要，我都唔會理。佢聽到我嘅說話心情算好番D。佢話而家佢好想行開下，離開呢個是非地，聽日會返深圳見下個女，同個女過左中秋先返香港，希望我可以攪掂晒D麻煩，等佢返來。

第二日我就同佢坐車，送佢去到羅湖，臨别前我地擁抱在一起，好唔捨得對方，希望趁最後時間，盡量去感受對方嘅體温。只是，有點傷感！

以上影片乃youtube提供,與本站無關; 若無法觀看,可查看原網址。

待續.................

ccww66

耐人尋味 支持師兄繼續慢慢寫到結局

ccww66

利申
本人都在沉囡中
回復 HeySayJump ##127 的帖子

緣份冇得強求，當她出現的時候你就會知，只是一眼，你就走唔甩，你會知

ccww66

十分認同師兄的說話
我就是吻下去的感覺 令我死定了
但我有老婆仔女 想沉都沉得晒
現在成為相好 知己 每天和囡囡分1享生活點滴
閒時食吓飯 傾傾計
也別有一番滋味
總覺得和囡囡做了朋友 那感覺很特別 就是大家特別親切熟念的感覺吧！
支持師兄繼續寫到結局

5267

回復 lawrenchan ##144 的帖子

你點可以比其他人知佢之前出來做？

sck1969

用手機回應 ccww66 #147 的帖子

同意。自己而家都有兩位相好，平日朋友般傾吓計。本來還有一位，但忽然話唔做，有啲失落，本還有聯絡，但冇做以後，囡囡性格缺點漸出，自己對維持聯絡有些保留。

lawrenchan

用手機回應 5267 #148 的帖子

家人不是真的知道她做一樓一，只是覺得她是大陸女人又離過婚就是唔正經女人

ccww66

支持師兄繼續寫至結局

lawrenchan

寫到呢度，好多回憶湧上心頭，好掛住蒙古妹，好想攬住佢。

以上影片乃youtube提供,與本站無關; 若無法觀看,可查看原網址。

果一年佢成日聽呢首歌

lawrenchan

蒙古妹暫時離開左，我就一個人住响佢屋企，冇左佢陪我，顯得好孤單，得閑就寫sms俾佢。
我就趁依段時間返去搵前度講清楚，即使佢同我呀爸呀媽抹黑佢，但都改變唔到我，我好清楚我自己想要乜，希望佢可以理性面對。當然我都要同佢父母交代清楚，佢地當正我係負心人，我只求她的家人能夠好好照顧她，以免她做傻事，過一段時間就會冇事。
我老豆老母方面，佢地思想好保守，覺得佢大過我，離過婚就已經好大問題，仲話介紹個大學生俾我，根本都唔知我想要咩。我只有向佢地表明我地係真心，希望佢地尊重我，我亦冇錢俾人呃，叫佢地唔好阻止我，否則只會令我難做。
其實而家所有野攤開晒，反而令我更冇顧慮，更加清楚自己想點。好老實，雖然佢自殺令我好担心，但係我一路都冇諗過返去同佢一齊。我唔知將來會點，只知道呢一刻好想同蒙古妹一齊，人生苦短，就俾我認真去愛一次，唔想將來後悔。

待續.................

RefBB

ching個故事可以拍電影....

5267

回復 sck1969 ##149 的帖子

請問有乜缺點？

lawrenchan

用手機回應 RefBB #154 的帖子

一定是三級史詩式愛情電影

mr_recharge

lawrenchan 發表於 2018-2-3 13:39
用手機回應 RefBB #154 的帖子

一定是三級片，三級愛情電影

師兄, 我日日都追睇你個POST, 情感上好很欣賞你的敢愛, 而且你又真係好似揾到一生最愛咁, 為左真愛而付出, 對前女友亦都已經負左責, 比錢又比樓, 真係仲想點? 前度的只可以講相比下真係蒙古妹吸引啲體貼啲咁(亦都有可能師兄你當局者包裝得太好)

理性上, 我絶對唔會比自己咁做, 自己老婆如果先前男朋友多都唔會鐘意又何況......... 而且, 又點同屋企人同朋友講, 自己個人唔得接受到

現實上如果師兄真係揾到真愛的話, 又真係要很很去愛, 起碼都試過真愛, 小弟都試過同年齡大過自己的女人拍拖而且成就上比自己更高, 一開始係好很響受, 有人幫自己打點一切, 仲好識得照顧我, 但係時間一耐左, 女人就會覺得我小朋友, 而自己又好努力去追求成就上能夠同一水平, 最後因為太大壓力而分開(但實情上係我溝左個妹妹仔), 之後的妹妹就我照顧返轉頭, 不過聽教又聽話, 偉大的男權又落返自己手

結論就係總要去試先知自己鐘意啲咩, 然後再試多1,2 個女朋友就咁就結左婚

lawrenchan

用手機回應 mr_recharge #157 的帖子

愛情對每一個人黎講都唔同，亦無對與錯，只有當事人自己去感受。現代社會人與人之間多左計算，就會少左真情流露。我身邊好多朋友一生都規規矩矩，按住一定模式行，成世人只拍過一次拖就結婚。有人鍾意烈酒，有人鍾意清茶，睇你點揀。

呢個故事已經係十年前，呢幾日先寫出來，一路寫一路回味當日情景仍然能令我有甜絲絲的感覺，如果時光倒流返去十年前我都會同蒙古妹一齊。今日我都好興幸當年我夠胆去愛呢一次，如果唔係今日我一定後悔。

如果你問我有冇覺得對唔住前度？我今日再睇番更加覺得自己冇錯，其實佢唔係愛我，佢只係唔輸得。覺得蒙古妹又離過婚，又有個女，我無理由會揀蒙古妹。而佢自殺亦不是真自殺，所以先會發定個sms俾我等我報警，如果有心死就唔使同人講。佢老母間中仲有打電話俾我，佢後來冷静下來都冇怪我，亦都知道佢個女好難頂。就算當年冇識蒙古妹，我都會同佢分手，但就唔會俾晒D錢佢，所以佢應該多謝蒙古妹嘅出現。

mr_recharge

lawrenchan 發表於 2018-2-3 16:54
用手機回應 mr_recharge #157 的帖子

愛情對每一個人黎講都唔同，亦無對與錯，只有當事自己去感受。現代社 ...

咁師兄之後又點? 蒙古妹有返黎嗎? 咁佢個女又點? 個前度又點收科?

然後你家人又點睇你呢單野?

lawrenchan

用手機回應 mr_recharge #159 的帖子

慢慢會講，因為這個是141，要身邊冇人先可以寫，見諒。