及時而出系列（二）四十歲後認識自己

QuickenAway · 發表於 2017-9-13 16:20:36

及時而出系列（二）四十歲後認識自己

上回講到，呢廿年都係靠老婆同睇AV打飛機來解決自己嘅性需要，都算得上係個正人君子。（當然信教嘅就唔算啦，不過我係唔信嘅）

成日都聽人講【人係會變嘅】，咁究竟呢句話真唔真? 如果真，又有幾真呢？

【人係會變嘅】呢句嘢當然唔係講緊你嘅身體，外表，體能，呢啲嘢變就梗嘅! 咁講緊嘅變係咩呢？應該係講行為，思想，原則，道德，價值觀。

舉個例子，四十歲之前我覺得去啲色情場所係唔得嘅，完全過唔到自己嗰關。四十歲之後覺得去完之後識返屋企，唔好俾老婆知道咪得囉！可能去到五十歲又會再變!

咁有咩原因令我喺四十歲呢個關口作出轉變呢？其實都唔關我事嘅，只不過係身邊發生嘅嘢影響咗我! 第一樣影響得我最深嘅，就係踏入四字頭之後有一個老死離開咗，佢未走之前真係乜都玩過哂咁滯，最慘係我一次都未參與過，搞到我連嗰些小精彩嘅回憶都冇，去夜總會、群交呢啲嘢梗係人多先開心㗎嘛！失敗!

第二樣係踏入四字頭之後，我身邊陸陸續有幾個老死結咗婚十年嘅都話離婚，佢哋離婚大概嘅原因都係話因為冇生細路，唔夾，悶，冇相同嗜好，感情好淡，好似方力申同鄧麗欣咁，完全冇涉及婚外情或者包小三呢啲老土橋段。真係唔理解，亦都唔識去理解，點解要用十年青春先知道唔夾，跟住和平分手!

呢兩樣嘢喺當時困擾咗我幾個月，究竟我會唔會突然間死咗，又或者我老婆會唔會突然話唔夾同我離婚。直到有一晚，有個老死話同個老婆離婚唔開心，搵我同其他幾丁友仔出去飲嘢傾心事。

飲嘢嘅時候都係講吓點解會離婚呀，你又評論吓，我又拋啲理論出來，其實都唔會出到咩結論。坐得耐就梗係會飲多咗，突然有個老死話唔得喇要去救救火，問其他人去唔去，仆街吖，平時班友仔都冇咁團結，但係喺嗰一刻竟然個個都話去馬，霎時之間，所以目光都落喺我身上，【你唔係唔去呀嘛？】呢句說話起碼出現咗十幾廿次。你一句時佢又一句，真係唔知點算好。當我好似個靚妹就來俾幾條麻甩佬輪大米之際，突然有條友仔爆咗句【人一世，物一世，咩嘢都要試吓嘅，試完唔好玩嘅下次咪唔去囉！】，就係呢一句，加上人又齊，又覺得都係one-off啫，個心又諗呢啲盡興嘅機會唔係成日有，錯過咗今次唔知等到幾時先有下次，呢幾樣嘢夾埋酒精上腦嘅效應，就口爽爽應承話去!

跟住班友仔即刻變哂樣好似返工咁喺度開會，話去邊間邊間，有時又打吓電話揾大班，呢個又話呢間個場唔掂，嗰個又話呢間啲女唔得，我咩都唔春識梗係淨係合埋個口等佢哋發啦。佢哋啲效率真係突然高咗幾倍，十分鐘內已有咗共識，仲要去完廁所埋埋張單。

就係咁，幾條麻甩佬十二點幾就喺太子出發行去旺角某夜總會，亦係我嘅第一次，第一次就去夜總會。

待續……