【香港摩天輪】原營辦商質疑中標者不合招標要求

kinsoncc

一蚊公司搶左人地支標, 仲想免費食埋人地部摩天輪? 算盤打得幾響!

【香港摩天輪】原營辦商質疑中標者不合招標要求　發展局長：跟足法例

中環摩天輪用地原定本月起轉交新營辦商營運，但摩天輪日前在無預告下關閉，原有承辦商Swiss AEX Holding Limited昨晚首度發聲明回應，質疑中標的新營辦商TECL不符合招標要求。發展局長黃偉綸今早回應時強調，招標工作跟足相關政府條例，有關招標結果亦經政府中央投標委員會認可。

至於摩天輪去向，黃偉綸指，由於現有營運者在上次投標落敗，根據相關安排，它需要在10月31日或之前把有關短期租約土地「交吉」交還給政府。不過他提到，要拆卸相關摩天輪及地基可能需時約兩個月，而現時已是9月，相信現有營運者要繼續營運摩天輪同時，又要在限期前「交吉」的機會不大。

他提到，「如果兩間公司在商業溝通上沒有結果，新營運者便需要興建自己新的摩天輪」。

發展局早上亦發表書面回覆，指新營辦商TECL的技術建議較其他投標者優勝，「尤其在票價方面有顯著優勢」，而有關公開招標根據政府《物料供應及採購規例》中的程序進行，評審結果亦經由中央投標委員會審批。

發展局又說，根據《機動遊戲機（安全）條例》，摩天輪屬於機動遊戲機類別，須取得相關許可，標書則要求參與投標公司或機構的負責人，在過去10年內擁有最少12個月策劃、營運及管理摩天輪或附帶機動遊戲機的主題樂園／嘉年華會經驗，強調「新營辦商的負責人符合有關要求」。

發展局續指，短期租約內有條款容許新營辦商可以繼續使用現有摩天輪，但直言「由於買賣摩天輪屬新舊營辦商之間的商業決定，政府並沒有規定新營辦商必須使用現有摩天輪」，政府亦沒有參與雙方商業討論，也不會評論過程中牽涉的商業操作和財政安排。

Swiss AEX昨發表聲明表示，TECL是於去年11月以一元資本金成立，沒有營運摩天輪經驗，質疑對方未有具備至少1年相關經驗，不符合招標要求。

carhin

據聞政府標書要求營運負責人要有大型嘉年華經驗，中標者曾經在香港经營大型嘉年華，不過呢間公司如果無錢又中到標，正苦又乃嘢

kinsoncc

carhin 發表於 2017-9-4 20:19
據聞政府標書要求營運負責人要有大型嘉年華經驗，中標者曾經在香港经營大型嘉年華，不過呢間公司如果無錢又中到標，正苦又乃嘢

租金貴過上手, 票價平過上手, 真係咁好做? 希望個算盤唔係諗住上手唔會拆走摩天輪而留比佢啦, 而家上手寧願比錢人拆都唔益下家, 如果到時上手離左場, 新呢間一蚊公司計落冇數圍又唔玩, 咁就搞笑咯.

carhin

kinsoncc 發表於 2017-9-4 20:28
租金貴過上手, 票價平過上手, 真係咁好做? 希望個算盤唔係諗住上手唔會拆走摩天輪而留比佢啦, 而家上手寧 ...

正苦諗住新舊營運者會講掂數，而未有向外公佈，等遊客嚟到先知冇得玩，又想比人鬧

kinsoncc

carhin 發表於 2017-9-4 20:40
正苦諗住新舊營運者會講掂數，而未有向外公佈，等遊客嚟到先知冇得玩，又想比人鬧

諗住上手唔會浪費金錢去拆, 1蚊公司以為有死雞執.

carhin

kinsoncc 發表於 2017-9-4 21:05
諗住上手唔會浪費金錢去拆, 1蚊公司以為有死雞執.

賤到想頂手費都想慳，自己有整個摩天輪分分中仲貴

artlo

此地無銀一蚊雞.

F1D1S1

新營運商同政府關係一定係好好，否則不可能在沒有經驗且一元註冊都可中標！

F1D1S1

新租客同業主夾埋屈舊租客賤賣傢俬， 仲要大聲話， 以大局為重！！！ 絕對無恥+無良。

大頭的Qoo

一元公司
即係賊佬試沙煲
搵到就留
搵唔到可以即走
來來去去, 花費就係果一蚊

如果上手有足夠時間拆嘢, 老虎誠意地拖
時間花了, 相反可以問佢要拆卸費
搵硬無輸.... 哈哈

kingkong_hk

Joe個輪比佢或者拆醬囉

起過個5環保

kinsoncc

kingkong_hk 發表於 2017-9-5 10:29
Joe個輪比佢或者拆醬囉

起過個5環保

昨晚新營運商出來講野, 話摩天輪主體部件不屬於上手, 是屬於荷蘭製造商, 即係上手冇權拆走, 要留比佢, 擺到明搶完標仲要食埋部摩天輪, 上手肯定條氣唔順, 睇怕要搵法庭解決!

中環海濱摩天輪因新舊營辦商未能順利交易，上月底突然停業，舊營辦商Swiss AEX揚言，最快本周四拆卸摩天輪，昨晚更發聲明，斥新營辦商10個月前才以$1成立公司，且沒有營運經驗，根本不合資格投標。不過新營辦商TECL今晚發聲明反擊，透露荷蘭製造商Dutch Wheels才是真正持有摩天輪主體部件的公司，而非舊營辦商持有，又指他們正積極與Dutch Wheels洽購主體部件，交易完成後，會對外公佈。

TECL續指，他們投標時已計劃在現址重建摩天輪，故即使與Swiss AEX交易告吹，亦不會重大影響交接，至今亦未與Swiss AEX達成共識，又指將致力根據投標時的建議，提供高質素服務，讓大眾以優惠價格享受摩天輪的樂趣。

發展局早前指，新營辦商TECL除技術較優勝，票價亦有顯著優勢。消息指，新營辦商TECL計劃每張門票只售20元，遠低於舊營辦商Swiss AEX的100元，被質疑能否維持成本。惟消息人士稱，無論摩天輪票價是100元還是20元，其實都不是營辦商的主要收入來源，廣告收入才是；原來摩天輪上的廣告牌是「大肥肉」，有業內人士稱，客戶租用該廣告位，每年廣告費用數以千萬元計。

對於被舊營辦商Swiss AEX批評沒營運摩天輪經驗，TECL在聲明指，他們是由資深傳媒和娛樂專業人士組成的公司，於亞洲及歐洲有超過25年經營主題公園、嘉年華、音樂節、音樂劇和大型會議的經驗。

發展局回應查詢時承認，由於營辦商何時取得相關許可和牌照，過程有「不確定性」，故不論新、舊租約都沒有訂下摩天輪開始運作的限期。當局又指，如果有理由認為營辦商未有努力履行租約，政府可收回土地並沒收保證金，及保留其他民事追究權利。

舊營辦商Swiss AEX曾指，會入紙申請相關牌照，重開摩天輪，食物環境衞生署確認8月中曾接獲Swiss AEX申請摩天輪的臨時公眾娛樂場所牌照，現正處理中。該署補充根據記錄，署方2014年12月5日向Swiss AEX發出上述牌照，牌照已於本年8月28日到期。

kinsoncc

大頭的Qoo 發表於 2017-9-5 09:41
一元公司
即係賊佬試沙煲
搵到就留

雖則話投標係公平競爭, 但上手做左未夠兩年就踢佢走, 肯定唔服氣, 如果政府沒有考慮上手營運情況, 就只話考慮新營運商交租多票價平而判左比佢, 等如係一手促成呢個所謂香港新地標的商業糾紛, 而家又想置身事外, 係不負責任.

F1D1S1

盛智文接受傳媒查詢時指，TECL初步同意以450萬歐羅（約4,192萬港元），向Swiss AEX購買摩天輪地基，並向摩天輪的荷蘭製造商Dutch Wheels以800萬歐羅（約7,453萬元）購入摩天輪。他又證實，TECL之前和Swiss AEX談判的最大問題不是出於交易金額，而是前者未能在談判期內，證明有足夠資金購入摩天輪。另一方面，傳媒亦引述消息稱，TECL與Swiss AEX本同意以1,250萬歐羅（約1.16億元）交易，惟前者沒在指定日期內過數，令交易告吹。

大頭的Qoo

kinsoncc 發表於 2017-9-5 11:27
雖則話投標係公平競爭, 但上手做左未夠兩年就踢佢走, 肯定唔服氣, 如果政府沒有考慮上手營運情況, 就只話 ...

其實內間有無古怪嘢嫁

大頭的Qoo

kinsoncc 發表於 2017-9-5 11:18
昨晚新營運商出來講野, 話摩天輪主體部件不屬於上手, 是屬於荷蘭製造商, 即係上手冇權拆走, 要留比佢, 擺 ...

都可能係政府與下手, 以法庭解決上手都未定...
依家都以行政主導
上手都有機會輸清

F1D1S1

傳媒繼續跟進，越挖越多料！

現有摩天輪營辦商點解會輸？謎底終於解開了！原因好簡單，就係招標內容的評分準則被大幅改動了！

「相關經驗」取消了！
「收費」比例大幅改為40%！

原來唔單止龍門任擺，仲要係度身訂造比政府「心儀」的公司去做！

香港政府的墮落原來已經超出大家所想像！

kinsoncc

F1D1S1 發表於 2017-9-5 17:09
傳媒繼續跟進，越挖越多料！

現有摩天輪營辦商點解會輸？謎底終於解開了！原因好簡單，就係招標內容的評 ...

2013年搵人做開荒就收費優惠不是行先, 而家做起左就改準則, 雖則咁做冇違法, 但在商而商, 咁樣係好冇道義, 搞衰香港個名!

F1D1S1

kinsoncc 發表於 2017-9-5 17:17
2013年搵人做開荒就收費優惠不是行先, 而家做起左就改準則, 雖則咁做冇違法, 但在商而商, 咁樣係好冇道義, 搞衰香港個名!

搬龍門已經成為常態，跟港視相若。

carhin

F1D1S1 發表於 2017-9-5 17:24
搬龍門已經成為常態，跟港視相若。

舊營運商做得好地地，又無端端又再招標，多少有利益輸送