劉溫馨做慳妹　慶功打包當三餐

燕青小乙 · 發表於 2017-7-17 16:35:59

本帖最後由燕青小乙於 2017-7-17 16:36 編輯

2013年參選港姐的劉溫馨樣子甜美兼身形Fit爆，她日前接受東網訪問，穿上比堅尼的她身材勻稱，雙峰凸出，在沙灘大晒青春氣息，索爆！

出身於北京中央戲劇學院的她，參選時已被睇高一線，可惜只得「梗頸四」，令溫馨一度對前路感迷失，她說：「唔知下一步應該點！我18歲就決定演戲，最差嘅時期都冇打算放棄，後嚟公司叫我讀訓練班，但過去三年都喺綜藝節目方面發展。」她又坦言會以「最佳女主角」為奮鬥目標，曾因旁人的冷言冷語而感洩氣：「好似網民話我『茄喱啡』，仲有其他難聽嘅說話，我都會在意嘅！試過自己匿喺屋企喊，喊完就冇事。」

生活勁「貼地」

幸好今年「守得雲開」，溫馨先後拍攝劇集《飛虎極戰》與《誇世代》等大製作，最近更有首個廣告出街，知名度提高不少。不過，她的生活依然「貼地」，父母在日本做生意的她不想靠父幹：「我覺得18歲後應該要自己照顧自己，父母想幫我但我唔會要（錢）。依家我只可以保障到自己嘅生活，暫時冇錢拎返屋企，覺得好遺憾。」溫馨透露租金已佔收入三分一，其他支出要慳得就慳：「冇事就匿埋喺屋企，試過日食一餐，又試過出席慶功宴後打包返屋企，跟住嗰日三餐都食佢！平日無論素顏定化濃妝都逼港鐵。」訪問當日，她一個人提着大袋小包趕到，完成後「逼小巴」離開！

劉溫馨bkn-20170717000054278-0717_00862_001_03b.jpg