$1賣紙皮慘遭控 婆婆親述遭食環圍捕 擔保後剩4蚊搭車

gary67

75歲的朱婆婆因為將拾荒紙皮交予菲傭時獲給予一元，突然被食環署票控她阻街及無牌販賣，事件引起社會關注。朱婆婆透露，因家中女兒患病兼受情緒困擾，她怕刺激女兒，思考了兩天才終於向區議員求助。面對各方施出援手，朱婆婆只是不斷婉拒大眾的幫忙，「我寧願畀人著數，我都唔貪人著數。」




按朱婆婆與協助她的區議員黎志強所述，她在上周日(11日)於中環執了幾個紙皮箱，在郵局附近摺紙皮時有菲傭問她取紙皮，「我話你攞啦，菲傭問『婆婆，1蚊？』我話得得得。」她收下一元時，五男一女食環署職員即現身，控告她阻礙公眾地方及無牌販賣。


朱婆婆當時求情希望不要告她，「我好辛苦，一張一張(紙皮)執番嚟。你一蚊就話買賣，買咩賣呀？」當時6個食環人員圍住她，將她的紙皮與車仔沒收，並先後帶她到食環署總部與警署，期間有警察向她收擔保費。朱婆婆憶述，有人指她銀包只有34元，「咁用30蚊做擔保，剩4蚊搭車用囉！老人2蚊優惠嘛！」


家家有本難念的經，朱婆婆的女兒患上重病和受情緒困擾，故事發後朱一直不敢向人求助，「(如果記者)寫我個名，我個女見到打死我呀！上次我響屋企冇講嘢，佢用杯打我...我一上鏡就死伙，屋企唔可以住，我返唔到屋企，瞓街啦。」


朱婆婆廿多歲時先生離世，寡婦一人帶著當時只有7天大的女兒相依為命。為了生存，她一直自力更生，堅持不受人恩惠一分一毫，多年來做清潔散工、近年執紙皮，捱得十隻手指也彎曲伸不直，「我寧願俾人(攞)著數，我都唔貪人著數。」


為了解決官非，朱婆婆奔波一天也只打算吃麵包充肌，連黎志強買給她的飯盒，她也堅持自行付錢，強調不用別人幫忙。黎志強指，昨日起已有約50名熱心人士向她伸出援手，包括願意為婆婆付罰款與義務打官司，但遭婆婆一一婉拒，黎代記者問她為何堅持不用人幫，她斷言「我唔貪錢呀。」只是談及自己的健康變差時，難捨那個向她掟杯的女兒，「我死咗個女點算？冇人照顧佢...」

大眼睛

矯枉過正, 冷血涼薄 !  

愛愛東方

gary67 發表於 2017-6-18 23:13
75歲的朱婆婆因為將拾荒紙皮交予菲傭時獲給予一元，突然被食環署票控她阻街及無牌販賣，事件引起社會關注。 ...

人性在哪，經常去圍D公公婆婆，都跑唔到要唔要咁做！
見到都想喊!！

大頭的Qoo

1. 朱婆婆已經唔係第一個老人家被針對...  
2. 佢可以唔交擔保, 一般係唔會扣留24小時.  半夜一定放, 早餐前一定要你走

大頭的Qoo

依家有鬼小販比佢地拉咩.... 唔拉公公婆婆, 就無人可拉.
打份工唔交人, 即係交自己出去....
真係家家有本難唸的驚

aaarlung

無人情味既香港唔係香港

oldman1963

依d咪高質數公務員囉
強烈建議今年公務員加薪百份之一百

大眼睛

oldman1963 發表於 2017-6-19 23:39
依d咪高質數公務員囉
強烈建議今年公務員加薪百份之一百

咁勇猛, 調去拉啲南亞裔假難民啦 !  

愛愛東方

大頭的Qoo 發表於 2017-6-19 16:37
依家有鬼小販比佢地拉咩.... 唔拉公公婆婆, 就無人可拉.
打份工唔交人, 即係交自己出去....
真係家家有本難唸的驚

我唔係做食環，我知食環有好多部門，
但係小販管理隊係咪只係得捉小販一件事做呢？

他朝君身也相同

大頭的Qoo

愛愛東方 發表於 2017-6-20 08:34
我唔係做食環，我知食環有好多部門，
但係小販管理隊係咪只係得捉小販一件事做呢？

我都想知,
最初成街都係小販, 就成立小販管理隊去管理小販
到依家都拉曬無曬小販, 小販管理隊去管理咩好.


不如管交通呀...

gary67

獲准明取回車仔保釋金　朱婆婆感謝市民關注　堅持「寧自己捱」不想別人幫助


75歲朱婆婆因把拾來的紙皮給外傭，獲對方給予1元後被食環署職員控告「無牌販賣」。食環署今日稱徵詢律政司意見後決定撤控。朱婆婆表示，接獲食環署電話，指她明午可取回被沒收的車仔及保釋金，又說堅持寧願「自己捱、自己做、自己辛苦，都唔想人哋幫我」。

朱婆婆今晚戴上口罩、穿外套，前往一直協助她的區議員黎志強辦事處回應事件。她對今次獲撤控感到高興，認為涉事的職員應全面了解事件，不應單以她收取1元就認為她是小販。她感謝市民關注事件，自己才有機會討回公道。

她又指今日接獲食環署職員電話，着她明午3時前往取回被沒收的車仔，及到警署領回30元保釋金，認為政府到最後「都算有人情味」，可取回車仔「都要多謝唔該佢」。

不過朱婆婆說起一度被控告一事，仍十分不忿，指食環署職員「一定畀上面教訓，阿婆1蚊都搞」。但當一直協助她的公民黨區議員黎志強提出，要食物及衛生局長高永文寫信向她道歉時，朱婆婆卻說：「唔使啦，唔使道歉，算啦算啦，我無要求咁多。」

朱婆婆表示，自己平日執紙皮「得5毫子，對方畀1蚊我已經好高興」，今次是一生人中第一次被檢控，初初食唔到飯，瞓唔着覺」，思前想後兩天，「初初都唔想麻煩你（區議員黎志強），諗諗下唔公平，唔忿氣」，終向議員求助。她指有領取生果金，但「唔想問政府拎」，更稱「好驚人哋幫我，我要自己捱、自己做、自己辛苦，都唔想人哋幫我」。

愛愛東方

gary67 發表於 2017-6-20 10:25
獲准明取回車仔保釋金　朱婆婆感謝市民關注　堅持「寧自己捱」不想別人幫助

婆婆大量，果然人生閱歷豐厚，大讚！妳好嘢~