郭炳江需續囚22月 持聖經上囚車押往收押所

kobrian

姐係好神心就算貪左好多錢就唔洗坐？






前政務司司長許仕仁行為失當，於上任前後收取新鴻基地產高層利益案，眾被告單就一項串謀公職人員行為失當定罪提出終審上訴，終審法院今早頒判詞，裁定許仕仁、郭炳江、關雄生及陳鉅源全部上訴駁回。等候今日終極上訴期間，只有郭炳江一人獲准保釋，其餘三人一直在監獄中服刑，隨着判決，郭炳江需返回監獄服刑，眾人餘下刑期仍有10至30個月。郭炳江於判決後即由囚車先送往荔枝角收押所，而其餘三人則直接返回赤柱監獄。

4人於2014年12月被高院裁定串謀公職人員行為失當和串謀向公職人員提供利益等罪名成立。許仕仁被判監7年6個月，服刑至今仍有30個月刑期，而陳鉅源被判囚6年，現仍有18個月刑期；關雄生與郭炳江同樣被判囚5年，因沒有保釋，餘下只約10個月刑期。只有一項串謀公職人員行為失當罪罪成的郭炳江被判囚5年，保釋前已服刑一段時間，餘下約有22個月刑期，換言之關雄生將會是4人中最快出獄。

法庭今早9時50分左右頒下判詞，確定4人上訴遭駁回，至11時半郭炳江手持聖經登上囚車，並由懲教署人員押送往荔枝角收押所，約10分鐘後囚車已抵收押所。

artlo

殺雞警猴, 幾时輪到68狗.

tomyhk141

神愛世人，信者得救!

EastWest_GBL

Welcome to Paradise Mr. Kwok

無賴階級專政

kobrian 發表於 2017-6-15 00:10
姐係好神心就算貪左好多錢就唔洗坐？

郭炳江衰賄賂，唔係貪。

無賴階級專政

EastWest_GBL 發表於 2017-6-15 09:06
Welcome to Paradise Mr. Kwok

呢一亭超級富豪坐監，都係住獨立倉，唔駛比古惑仔打，已經算係天堂了。

hkwatcher

無賴階級專政 發表於 2017-6-15 15:41
呢一亭超級富豪坐監，都係住獨立倉，唔駛比古惑仔打，已經算係天堂了。

唔好話啲阿 sir, 就算係古惑仔保護佢都嚟唔切喇 !   

無賴階級專政

hkwatcher 發表於 2017-6-15 16:35
唔好話啲阿 sir, 就算係古惑仔保護佢都嚟唔切喇 !

當古惑仔同你收保護費，唔係真係保護你的，而係唔俾就打鑊你，保護其實係勒索的意思。

hkwatcher

無賴階級專政 發表於 2017-6-15 22:07
當古惑仔同你收保護費，唔係真係保護你的，而係唔俾就打鑊你，保護費其實係勒索的意思。

有錢使得鬼推磨, 去到呢啲級數嘅超級富豪, 黑白兩道都會有人妥善安排佢嘅工作 (如分派佢做醫院或圖書館期數) 及人身安全嘅嘞 !  

無賴階級專政

hkwatcher 發表於 2017-6-15 22:15
有錢使得鬼推磨, 去到呢啲級數嘅超級富豪, 黑白兩道都會有人妥善安排佢嘅工作 (如分派佢做醫院或圖書館期數) 及人身安全嘅嘞 !

香港監獄有香港監獄的規矩，派佢哋做圖書館，或者醫院裏工作，之不過係唔想啲黑社會勒索佢哋，咁樣無論對獄中富豪及懲教署兩方多少咗好多麻煩，並非因為黑白兩道照顧。

hkwatcher

無賴階級專政 發表於 2017-6-15 22:35
香港監獄有香港監獄的規矩，派佢哋做圖書館，或者醫院裏工作，之不過係唔想啲黑社會勒索佢哋，咁樣無論對獄中富豪及懲教署兩方多少咗好多麻煩，並非因為黑白兩道照顧。

我都希望香港係一個人人守法嘅地方, 如果真係咁就唔會有人因為 "黃金枷鎖" 而入獄啦 !   

EastWest_GBL

hkwatcher 發表於 2017-6-16 00:23
我都希望香港係一個人人守法嘅地方, 如果真係咁就唔會有人因為 "黃金枷鎖" 而入獄啦 !

相信都好難 甚至係冇可能
試問 有邊隻貓唔愛"腥"

無賴階級專政

hkwatcher 發表於 2017-6-16 00:23
我都希望香港係一個人人守法嘅地方, 如果真係咁就唔會有人因為 "黃金枷鎖" 而入獄啦 !

台灣國會關注香港民主連線，你知唔知乜嘢呢？

係台灣一些的政黨人士，他們關心香港民主，所以成立了個乜乜連線的組織，而不是與香港的泛民議員連線。

三名民主派立法會議員到台灣出席「台灣國會關注香港民主連線」成立的記者會，唔等他們加入。

去參加別人連線的起動典禮，並非等於去參與連線。

等於你去參加極婚典禮，唔代表結婚果個係你。

hkwatcher

無賴階級專政 發表於 2017-6-16 14:48
台灣國會關注香港民主連線，你知唔知乜嘢呢？

係台灣一些的政黨人士，他們關心香港民主，所以成立了個乜 ...

你嘅比喻唔係咁恰當, 若香港有明文法例禁止港人參加某啲政治組織, 而又掌握足夠證據證明某啲人干犯, 警方大可加以拘捕及告上法庭。
雖則香港係個法治社會, 某啲 "授受皆悅" 嘅罪行, 若果唔係有人舉報及掌握足夠證據亦好難繩之於法。
其實我只係想指出, 喺任何社會(無論係法制不全抑或係以法治自豪嘅地方) 富人 (尤其是超級富豪) 都能夠享受到更 "公平" 嘅待遇啫 !     

無賴階級專政

hkwatcher 發表於 2017-6-16 15:47
你嘅比喻唔係咁恰當, 若香港有明文法例禁止港人參加某啲政治組織, 而又掌握足夠證據證明某啲人干犯, 警方 ...

非也！相當恰當。

香港果三個立法會議員，並非過台灣加入什麼政治組織，而係attend佢哋組織的起動典禮。

香港的富豪坐監，有否得到更公平的例子？唔見得有播！如果係有嘅話，都已經上了新聞啦。

至於佢哋服刑在監獄中的醫院或圖書館，這些所謂優待，都唔係富豪獨有的，咁耐以唻，好多唔係屬於富豪的一般在囚人士都會在這些地方服刑。

hkwatcher

無賴階級專政 發表於 2017-6-16 16:13
非也！相當恰當。

香港果三個立法會議員，並非過台灣加入什麼政治組織，而係attend佢哋組織的起動典禮 ...

無謂再紏纏落去嘞, 又唔係辯論比賽, 亦唔會有咩公平裁決, 反正你說服唔到我而我亦冇打算說服你, 我只係講出我心中所想, 亦尊重你發表與我不同嘅意見 !         

無賴階級專政

hkwatcher 發表於 2017-6-16 16:51
無謂再紏纏落去嘞, 又唔係辯論比賽, 亦唔會有咩公平裁決, 反正你說服唔到我而我亦冇打算說服你, 我只係講出我心中所想, 亦尊重你發表與我不同嘅意見 !

論壇唔係辯論，我都唔知應該做乜？唔需要公平裁決啦，公道自在人心。護短欺心非英雄。

我都唔打算說服誰人，你有嘅定立場，我只係擺事實，而講道理，係咁多。

我講了理據及比喻，未見到你反駁到我，我就唔理咁多了，因為你有你的尊嚴，我都唔期望你會認錯。

http://hkm.appledaily.com/detail ... &issue=20170616