<6鼎記>之 葉劉斥梁針對議員不當

kinsoncc

掃把頭跳晒船   

葉劉斥梁針對議員不當

特首梁振英連日針對力主調查UGL事件的公專聯梁繼昌口誅筆伐，攻勢一日比一強，就連前行政會議成員、新民黨主席葉劉淑儀（圖）亦看不過眼，開腔批評梁振英「每日都係對梁議員（梁繼昌）施咁大壓力，我覺得唔恰當」。惟對於民主派準備提出的彈劾梁振英議案，葉劉表明不贊成。
葉劉淑儀昨被問到梁振英針對梁繼昌的做法，她直言梁振英做法並不恰當，認為被梁振英控告誹謗的梁繼昌是否需要退出立法會調查UGL事件專責委員會的問題，應該由立法會自行決定，再者立法會本身亦無權要求梁繼昌退出。
指市民問「特首點解咁得閒」

梁振英日前自爆花了一、兩天時間「不斷翻查梁繼昌喺網上嘅facebook」，葉劉直言梁作為特首，不應如此針對一名議員，「以行政長官咁高嘅地位，佢每日針對一位議員，我認為係唔恰當」，她更表示有市民亦向她反映梁振英的做法有問題，她說：「呢個UGL係佢（梁振英）個人嘅問題，有的士司機同我講，香港咁多問題，行政長官點解咁得閒一日鬧一位議員。」
葉劉相信，假如梁繼昌在專責委員會的工作有偏頗，其他委員都會知道，社會亦發現及批評。她亦質疑梁振英連日透過特首網誌批評梁繼昌的做法，指如梁振英對調查方向有意見，或要提供資料，可向委員會提出或出席聆訊，斥梁振英「利用政府嘅資源，就佢個人一啲糾紛不斷針對一位議員，我覺得係唔恰當嘅」。至於民主派準備向梁提出彈劾，葉劉則覺得彈劾特首屬非常嚴重，「根本上係做唔到，我亦都覺得唔應該係就呢件事對行政長官作出彈劾」。

F1D1S1

冇經驗，資歷淺都做到做副主席！就知制度的腐敗。

artlo

689时日無多, 咁多年條粉腸好事冇做过, 彈佢老母快的入册啦.

carhin

掃把頭等了機會好耐，仲借Ｄ意桶689一刀

kinsoncc

carhin 發表於 2017-5-24 19:32
掃把頭等了機會好耐，仲借Ｄ意桶689一刀

捅就不至於, 輕輕鎅兩野啦, 掃把頭雖然唔似得民建聯咁, 焗住要與民為敵, 但插得689太盡佢始終有顧忌.

carhin

kinsoncc 發表於 2017-5-24 21:34
捅就不至於, 輕輕鎅兩野啦, 掃把頭雖然唔似得民建聯咁, 焗住要與民為敵, 但插得689太盡佢始終有顧忌.

掃把有時對住傳媒和西環都秋689水，呢次隻牌咁好打，工賊會一早吊奔周鼎，掃把執輸了太遲將689軍

kinsoncc

carhin 發表於 2017-5-24 21:46
掃把有時對住傳媒和西環都秋689水，呢次隻牌咁好打，工賊會一早吊奔周鼎，掃把執輸了太遲將689軍

所以話佢只係輕輕鎅兩野, 唔敢講得太盡.

carhin

kinsoncc 發表於 2017-5-24 21:49
所以話佢只係輕輕鎅兩野, 唔敢講得太盡.

又比民主派插，又比建制派界，呢兩嘢都夠，689己經成頸血

kinsoncc

carhin 發表於 2017-5-24 21:55
又比民主派插，又比建制派界，呢兩嘢都夠，689己經成頸血

對佢來講呢d都係小事, 最大鑊係咁樣炒一炒, 惹起阿爺注意, 又要準備照肺.  

無賴階級專政

kinsoncc 發表於 2017-5-24 21:57
對佢來講呢d都係小事, 最大鑊係咁樣炒一炒, 惹起阿爺注意, 又要準備照肺.

習近平七一落嚟，689家陣最怕佢聽到真正民意，所以而家努力撲火，但係啲火越撲越大。

kinsoncc

無賴階級專政 發表於 2017-5-24 23:20
習近平七一落嚟，689家陣最怕佢聽到真正民意，所以而家努力撲火，但係啲火越撲越大。

所以話佢今次真係機關算盡, 比豬頭鼎累死, 語言藝術再叻都蓋不到此地無銀呢個行為.

無賴階級專政

kinsoncc 發表於 2017-5-24 23:25
所以話佢今次真係機關算盡, 比豬頭鼎累死, 語言藝術再叻都蓋不到此地無銀呢個行為.

689的語言偽術慣技在UGL事件中，已經被逼降格成為強詞奪理，色厲內荏是他現在的最佳寫照。

fNsveLqv

回復 kinsoncc #1 的帖子

睇完之後覺得佢個個都罵齊,罵梁振英罵民主派,最重要冇結論

大眼睛

fNsveLqv 發表於 2017-5-25 08:46
回復 kinsoncc #1 的帖子

睇完之後覺得佢個個都罵齊,罵梁振英罵民主派,最重要冇結論

駛乜要有結論唧 !  
踩完呢個, 彈吓嗰個, 自己自然升高咗架啦 !  

kinsoncc

fNsveLqv 發表於 2017-5-25 08:46
回復 kinsoncc #1 的帖子

睇完之後覺得佢個個都罵齊,罵梁振英罵民主派,最重要冇結論

呢d咪狡猾囉，鬧689，迎合黃絲，轉身鬧埋民主派，迎合藍絲，叫做表左態。

大眼睛

kinsoncc 發表於 2017-5-27 18:17
呢d咪狡猾囉，鬧689，迎合黃絲，轉身鬧埋民主派，迎合藍絲，叫做表左態。

想學薯片叔叔, 爭取淺黃淺藍, 為自己增加籌碼 !